جاڭعىرتىلعان ستەپنوگور كۇكىرت قىشقىلى زاۋىتى ىسكە قوسىلدى
بۇگىن «قازاقستاندى جاڭاشا يندۋستريالاندىرۋ: 2014 - جىلدىڭ جانە ءبىرىنشى بەسجىلدىقتىڭ قورىتىندىلارى» اتتى جالپىۇلتتىق تەلەكوپىر شاراسى بارىسىندا ق ر پرەزيدەنتى نۇرسۇلتان نازاربايەۆ اتالعان نىساننىڭ ىسكە قوسىلۋىنا رۇقسات بەردى.
«اسا قۇرمەتتى نۇرسۇلتان ءابىش ۇلى! مەن، ەرلان ءمامي، ستەپنوگوردەگى كۇكىرت قىشقىلى زاۋىتىنىڭ ديرەكتورىمىن. جاڭا زاۋىتقا شيكىزات پەن قۋات ۇنەمدەۋ تەحنولوگياسى قويىلدى. زاۋىت جىلىنا 180 مىڭ توننا كۇكىرت قىشقىلىن وندىرەدى. ءونىمدى «قازاتومونەركاسىپتىڭ» ۋران شىعاراتىن كاسىپورىندارىنا پايدالانۋعا بەرەمىز. اسا قۇرمەتتى ەلباسى! سىزدەن زاۋىتتى توقايلاستىرىپ، ىسكە قوسۋ جۇمىستارىن باستاۋعا رۇقسات بەرۋىڭىزدى سۇرايمىز!»، - دەدى «قازاتومونەركاسىپ» كۇكىرت قىشقىلى زاۋىتى ب ك» ج ش س ديرەكتورى ەرلان ءمامي.
ق ر پرەزيدەنتى كۇكىرت قىشقىلى ۋران ونەركاسىبىنە اسا قاجەتتى ءونىم ەكەندىگىن باسا اتاپ ءوتتى.
«بۇل قيىن كەزەڭدى باستان كەشىرگەن ستەپنوگور تاۋ-كەن بايىتۋ كومبيناتى ءۇشىن بارىنشا ماڭىزدى. ەڭبەك ۇجىمىن قۇتتىقتايمىن»، - دەپ ەلباسى نۇرسۇلتان نازاربايەۆ زاۋىتتى ىسكە قوسۋعا رۇقسات بەردى.
اۆتور: مارلان جيەمباي
