ەلباسى اقتوبە رەلس ارقالىعى زاۋىتىن ىسكە قوسۋعا رۇقسات بەردى

استانا. قازاقپارات - بۇگىن استاناداعى تاۋەلسىزدىك سارايىندا يندۋستريالاندىرۋ كۇنى اياسىنداعى جالپى ۇلتتىق تەلەكوپىر بارىسىندا ەلباسى نۇرسۇلتان نازاربايەۆ اقتوبە رەلس ارقالىعى زاۋىتىن ىسكە قوسۋعا رۇقسات بەردى.

بۇل زاۋىت «ق ت ج» ۇ ك» ا ق- نىڭ جەكە ينۆەستورمەن بىرلەسىپ تۇرعىزعان يننوۆاتسيالىق كاسىپورنى.

«اسا قۇرمەتتى نۇرسۇلتان ءابىش ۇلى! «قازاقستان تەمىر جولى» كومپانياسى جەكە ينۆەستورلارمەن بىرگە زاۋىت قۇرىلىسىن اياقتاپ، بۇگىن جىلىتۋ پەشىن ىسكە قوسىپ جاتىر. جوبانىڭ قۋاتتىلىعى - جىلىنا 430 مىڭ مەتالل ءوندىرىسى. زاۋىت مەتالل يلەكتەرى جانە ۇزىندىعى 120 مەتردى قۇرايتىن، جوعارى جىلدامدىقتاعى ماگيسترالدارعا ارنالعان رەلستەر شىعاراتىن بولادى. بۇل ءونىم «قازاقستان تەمىر جولى» كومپانياسىنىڭ قاجەتتىگىن تولىق قامتاماسىز ەتەدى جانە ەكسپورتتاۋعا مۇمكىندىك بەرەدى. اسا قادىرلى پرەزيدەنت مىرزا! سىزگە جوبانىڭ جۇزەگە اسىرىلۋىنا قولداۋ كورسەتىپ جاتقانىڭىز ءۇشىن العىسىمىزدى بىلدىرەمىز. ءوندىرىستى ىسكە قوسۋعا رۇقسات ەتۋىڭىزدى سۇرايمىن»، - دەدى «قازاقستان تەمىر جولى» ۇلتتىق كومپانياسىنىڭ ۆيسە- پرەزيدەنتى ەرمەك قيزاتوۆ.

ءوندىرىس تولىق قۋاتىندا جۇمىس ىستەگەن كەزدە 760 تۇراقتى جۇمىس ورنى اشىلادى.

ەلباسى بۇل قازاقستانداعى رەلس شىعاراتىن تۇڭعىش زاۋىت بولىپ سانالاتىنىن جانە ەلىمىز ءۇشىن وتە قاجەت ەكەنىن اتاپ ءوتتى.

 «قازاقستاندا تەمىر جول قۇرىلىسى قارقىندى ءجۇرىپ جاتقانىن بىلەسىزدەر. وسى ورايدا زاۋىتتىڭ ىسكە قوسىلۋىنا رۇقسات بەرەمىن»، - دەدى ق ر پرەزيدەنتى نۇرسۇلتان نازاربايەۆ.

اۆتور: رۋسلان عابباسوۆ