مەملەكەتتىك باعدارلاما اياسىندا سالىناتىن ۇيلەردىڭ باعاسى قىمباتتادى

استانا. قازاقپارات - ەلىمىزدە مەملەكەتتىك باعدارلامامەن سالىناتىن باسپانا باعاسى قىمباتتاي ءتۇستى.

ەندى «قولجەتىمدى باسپانا» بويىنشا بەرىلەتىن پاتەردىڭ ءار شارشى مەترى 30 مىڭ تەڭگەگە ارتپاق، دەپ حابارلايدى ك ت ك.

سونداي-اق، «قولجەتىمدى باسپانا» «نۇرلى جول» باعدارلاماسىنىڭ اياسىندا بەرىلەتىن بولادى. سول ارقىلى پاتەر ءۇشىن نەسيە تولەۋ مەرزىمى 20 جىلعا دەيىن ۇزارتىلادى. باسپانانىڭ باعاسى ارتقانىمەن، پايىزدار مەن اي سايىنعى تولەنەتىن اقى ازايماق.

ءارى 5  جىلدان كەيىن پاتەردى تولىعىمەن ساتىپ الۋ دا مۇمكىن بولادى. باعدارلامانى ىسكە اسىرۋ ءۇشىن كەلەر جىلى بيۋدجەتتەن 145 ميلليارد تەڭگە بولىنگەلى وتىر. ول قارجىعا ءبىر جارىم ميلليوننان استام شارشى مەتر سالۋ جوسپارلانعان.

سونىمەن استانا مەن الماتىدا باعا ءار شارشى مەترگە 185 مىڭ، ال ايماقتاردا 150 مىڭ تەنگە دەپ بەكىتىلىپتى. ءبىراق ول جالعا الۋ قۇنىنا اسەر ەتپەيدى ەكەن. باعدارلامامەن ءۇي العانداردىڭ اي سايىنعى تولەمى سول كۇيىندە قالادى دەپ سەندىردى شەنەۋنىكتەر.