10:00, 25 - جەلتوقسان 2014 | GMT +5
جاپونيا پرەمەرى سايلاندى
استانا. قازاقپارات - جاپونيانىڭ باسقارۋشى ليبەرالدىق- دەموكراتيالىق پارتياسىنىڭ كوشباسشىسى سيندزو ابە ەلدىڭ پرەمەر- ءمينيسترى بولىپ قايتا سايلاندى، دەپ حابارلادى بي- بي- سي.
ونىڭ كانديداتۋراسىن جاپون پارلامەنتىنىڭ تومەنگى پالاتاسىنىڭ 328 دەپۋتاتى قولدادى.
ابەنىڭ قارسىلاسى كاتسۋيا وكادانىڭ وپپوزيتسيالىق دەموكراتيالىق پارتياسىنىڭ اتىنان 73 داۋىس جينادى.
14 - جەلتوقساندا جاپونيادا تومەنگى پالاتاعا مەرزىمىنەن بۇرىن سايلاۋ ءوتتى. ونىڭ ناتيجەسىندە ليبەرالدى- دەموكراتيالىق پارتيا مەن ونىڭ باسقارۋشى كواليتسيا بويىنشا سەرىكتەسى 475 دەپۋتاتتىق مانداتىنان 326 داۋىس جينادى.
