يپوتەكا ورنىنا جالعا بەرىلەتىن پاتەرلەر
بۇل تۋرالى قازاقستان يپوتەكالىق كومپانياسىنىڭ باسقارما ءتوراعاسى ازامات يبادۋللايەۆ حابارلادى. سوڭعى 14 جىلدا قازاقستان يپوتەكالىق كومپانياسىنىڭ رەسۋرستارى ارقىلى 90 مىڭ وتباسى وزدەرىنىڭ باسپانا ماسەلەسىن شەشكەن.
تۇرعىن ءۇي نارىعىنداعى جاعدايدى ساراپتاعان ماماندارەندى ەلگە باسقا ادىستەر كەرەك ەكەنىن ايتادى. بۇل جالعا بەرىلەتىن باسپانا بولماق. قازىر ەلىمىزدىڭ قارجى ينستيتۋتتارى وسى جوسپاردى جۇزەگە اسىرۋعا كىرىسىپ كەتتى.
مۇنداي ءۇي الماتىدا پايدالانۋعا بەرىلگەن. اق كەنت ىقشام اۋدانىنان پاتەر العان ازاماتتار قونىس تويىن جاڭا جىلدان كەيىن تويلايدى. ال قاڭتار ايىنان باستاپ بۇل ءىستى جەدەلدەتۋ ءۇشىن كومپانيا قۇرىلىس كومپانيالارىنان دايىن ءۇيدى ساتىپ الۋعا كوشپەك.
جاڭا باعدارلاماعا سايكەس العاشقى جارنانى تولەۋدىڭ قاجەتى جوق. ادامدار پاتەرگە كىرىپ، جالعا الۋ اقىسىن 15 جىل تولەپ، كەيىن وزدەرى جەكەشەلەندىرىپ الا الادى.
ازامات يبادۋللايەۆ، «قازاقستان يپوتەكالىق كومپانياسى» ي ۇ» ا ق باسقارما ءتوراعاسى:
- ۇلتتىق قوردان اقشا ءبولىندى. ءبىز «بايتەرەك» توبىنان ارزان پايىزدىق ۇستەماقىمەن 30 جىلعا نەسيە الامىز. بۇل ارينە بولاشاق جالعا الۋشىلارعا تۇسەتىن سالماقتى اناعۇرلىم جەڭىلدەتەدى. مىسالى الماتى جانە استانا قالالارىندا 50 شارشى مەترلىك پاتەرگە 56 مىڭ تەڭگە، ال باسقا ايماقتاردا شامامەن 46 مىڭ تەڭگە شىعادى.
24.kz
