بالالارعا جاڭا جىلدىق سىيلىقتاردى پىلدەر تاپسىردى

استانا. قازاقپارات - روجدەستۆو قارساڭىندا تايلاندتا بالالارعا پىلدەر سىيلىق تاراتىپ، ءماز قىلدى.

سانتا كلاۋس كەيپىنە ەنگەن پىلدەر 30 گرادۋس شىجىعان ىستىققا قاراماستان، كوشەلەرگە شىعىپ، بۇلدىرشىندەردىڭ كوزايىمىنا اينالدى، دەپ حابارلايدى 24.kz.

كورولدىك پىلدەر ساياباعىنىڭ بەلسەندىلەرى وسىلايشا بىرنەشە مىڭ وقۋشى ءۇشىن مەرەكە ۇيىمداستىردى. ولاردىڭ ايتۋىنشا، پىلدەر وزدەرىنە جۇكتەلگەن مىندەتتى ابىرويمەن اتقارۋدا.

«بالالار سانتا كلاۋس كيىمىن كيگەن پىلدەرگە ءدان ريزا. بۇل - ەرەكشە قۇبىلىس قوي. پىلدەر تايلاند مادەنيەتىنىڭ ءبىر بولىگى. جۇرتتىڭ مەرەكەلىك كوڭىل- كۇيى ءبىرشاما كوتەرىلدى»،- دەيدى وسى مەرەكەلىك شارانى ۇيىمداستىرۋشىلاردىڭ ءبىرى پول كەمپبەلل.