الماتى پوليتسياسى جەزوكشەلەر ورداسىن اشكەرەلەدى - فوتو

الماتى. قازاقپارات - الماتى پوليتسياسى «بيزنەس كلۋب» اتاۋىن بۇركەنىپ كەلگەن جەزوكشەلەر ورداسىن اشكەرەلەدى. بۇل تۋرالى قالالىق ءى ءى د باسپا ءسوز قىزمەتى حابارلادى.

اتالعان ورىنعا بەلگىلى ءبىر ورتانىڭ سەنىمدى ادامدارى عانا كىرگەن. ارنايى كابينكالاردا جايعاسقان كەلۋشىلەرگە قالاۋىنا قاراي جىنىستىق قىزمەت كورسەتىلگەن.

«كەلگەن ادام «شاي» سۇراسا، سول جەردە عانا كوڭىل كوتەرىپ، «كوفە» سۇراسا، «قىزمەت ەتۋشى قىزداردى» كلۋبتان تىس جەرگە اپارۋعا قاقىسى بولعان. اكىمشى اقى ماسەلەسىن ارنايى تاريف بويىنشا الدىن الا ەسەپتەپ وتىرادى. جەزوكشەلەردىڭ جۇمىس گرافيگىن تىركەپ وتىراتىن ارنايى جۋرنال بار ەكەن. ءتىپتى ولاردىڭ اۋىستىرىپ كيەتىن كيىمدەرى جينالعان ۇلكەن گاردەروبى بولعان» ، - دەدى قالالىق ءى ءى د ۇيىمداسقان قىلمىسقا قارسى كۇرەس باسقارماسىنىڭ ادام ساۋداسىمەن كۇرەس ءبولىمىنىڭ باسشىسى تيمۋر قارجاۋبايەۆ.

پوليتسيا قىزمەتكەرلەرى جەزوكشەلەر ورداسىن دۇيسەنبىدەن سەيسەنبىگە قاراعان ءتۇنى اشكەرەلەگەن. جۇمىس كۇنى بولسا دا مۇندا كاراوكە كابينكالاردىڭ ءبارى كليەنتكە تولى بولعاندىعىن ايتا كەتۋ كەرەك.

«تەكسەرۋ بارىسىندا 30 جەڭىل ءجۇرىستى قىز ۇستالدى. ينتيم- بيزنەستىڭ كورىگىن قىزدىرىپ جۇرگەندەردىڭ ءبىرى رەسەي فەدەراتسياسىنىڭ ازاماتشاسى ەكەندىگى انىقتالدى. قىزدىڭ جەكە باسىن كۋالاندىراتىن بىردە- ءبىر قۇجاتى جوق بولىپ شىقتى. كليەنتتەردىڭ اراسىندا كوشى- قون تۋرالى زاڭنامانى ورەسكەل بۇزعان وڭتۇستىك كورەيانىڭ ازاماتى ۇستالدى. ول اۋدانارالىق مامانداندىرىلعان اكىمشىلىك سوتىنىڭ شەشىمىمەن 5 تاۋلىككە قامالدى» ، - دەدى ت. قارجاۋبايەۆ.

 ءى ءى د باسپا ءسوز قىزمەتىندە اتالعان مەكەمەنىڭ اكىمشىسىنە قاتىستى دەرەكتەر جيناقتالىپ، انىقتاۋ بولىمىنە جىبەرىلگەنىن ايتتى. وعان قاتىستى ق ر ق ك 271-بابى (جەزوكشەلەر ورداسىن ۇيىمداستىرۋ) بويىنشا قىلمىستىق ءىس قوزعالماق.