جۇلدىزى جانعان قازاق قىزى بۇگىندە الەم سۇلۋلارىنىڭ كوشىن باستاپ تۇر
سپورتشىمىزدىڭ تانىمالدىلىعى قىتايدا وتكەن ازيا بىرىنشىلىگىندە جەرگىلىكتى جانكۇيەرلەردىڭ نازارىنا ىلىككەننەن كەيىن باستالدى.
الەمنىڭ كوپتەگەن مەملەكەتتەرىندە قازاقستاندىق سپورتشى جايلى بەينەروليكتەر ءتۇسىرىلىپ، مۋلتفيلم كەيىپكەرى رەتىندە سالىنعان سۋرەتتەرى عالامتور بەتتەرىن ءاپ-ساتتە تاراپ كەتتى.
ءبىر-اق كۇندە جۇلدىزى جانعان سپورتشى بۇگىندە الەم سۇلۋلارىنىڭ كوشىن باستاپ تۇر. كەنەتتەن كەلگەن مۇنداي تانىمالدىلىق سۇلۋدىڭ ءوزىن دە اڭ-تاڭ قالدىردى.
قازىر ونىڭ فان-كلۋبتارى قىتاي، وڭتۇستىك كورەيا، تايلاند جانە تايۆان سىندى الەمنىڭ ءبىرقاتار ەلىندە قۇرىلىپ، بەلسەندى جۇمىس جۇرگىزىپ كەلەدى. ۆولەيبولشىنىڭ فان-كلۋبتارى قازاقستاندا دا بار.
جالپى، سابينا التىنبەكوۆانىڭ تانىمالدىلىعى كۇن وتكەن سايىن ارتىپ، الەم نازارىن وزىنە اۋدارىپ وتىر. الەۋمەتتىك جەلىلەردە قازاقستاندىق سپورتشىعا ارنالعان ءتۇرلى اككاۋنتتار مەن توپتار كۇن ساناپ ارتىپ كەلەدى.
قازاقستاندىق اقپارات قۇرالدارىمەن قاتار، شەتەلدىك باسىلىمدار دا وتانداسىمىزدان سۇحباتتار الىپ، ءوز رەيتينگىن كوتەرىپ العانى دا جاسىرىن ەمەس. سپورتشىنىڭ الداعى جوسپارىن بىلگىسى كەلگەندەرگە سابينا «مەن بولاشاعىمدى تەك سپورتپەن بايلانىستىرعىم كەلەدى. ارينە، اللانىڭ بەرگەن سۇلۋ مۇسىنىمەن ءدۇيىم جۇرتتى تاڭقالدىرۋ كىم-كىمنىڭ دە قولىنان كەلەدى. ال ماڭداي تەرمەن كەلگەن جەتىستىكتىڭ ورنى بولەك» دەپ، قىسقا قايىرىپتى سپورتشى قىز.
ەندەشە ءبىز دە ەلىمىزدىڭ ماقتانىشىنا اينالعان قارىنداسىمىزدىڭ الداعى ەڭبەگىندە جەتىستىكتەر تىلەيمىز.
