قازاقستاندىق مۋزىكانتتار تۇركىسوي تۇركى الەمى ونەرپازدارىنىڭ كونتسەرتىنە قاتىستى - فوتو
كونسەرت تاتارستان رەسپۋبليكاسى ۇكىمەتىنىڭ، تاتارستان رەسپۋبليكاسىنىڭ مادەنيەت مينيسترلىگىنىڭ قولداۋىمەن، تۇركىسوي حالىقارالىق ۇيىمى مەن عابدۋللا تۋكاي اتىنداعى تاتار مەملەكەتتىك فيلارمونياسىننىڭ باستاماسىمەن جانە ونىڭ قاتىسۋىمەن ۇيىمداستىرىلدى.
سەگىز تۇركى ەلىنىڭ انشىلەرى، مۋزىكانتتارى، ديريجيەرلەرى ءبىر ساحنادا ونەر كورسەتتى.
ارتىستەر مەن كورەرمەندەر الدىندا تۇركىسوي حالىقارالىق ۇيىمىنىڭ باس حاتشىسى دۇيسەن قاسەيىنوۆ ءسوز سويلەدى.
«تۇركىسوي مۇنداي كونسەرتتەردى ءجيى وتكىزەدى. ءبىر جەرگە جينالىپ، ءبىر- ءبىرىن جاقسىراق تانىپ، تۇركى ونەرى الەمىندە ءوزىڭ ءۇشىن جاڭا ەسىمدەردى اشۋ وتە ماڭىزدى. ماعان بۇل شارا «قازان - تۇركى الەمىنىڭ مادەني استاناسى» جىلىنا نۇكتە قويا ما؟» دەگەن ساۋال قويىلدى. تۇركى الەمى ارينە، ەشقاشان ءوزى ءۇشىن قازان قالاسىن مادەني استانا رەتىندە جاپپايدى. ءبىز مۇندا قايتا ورالاتىن بولامىز»، - دەپ اتاپ ءوتتى ول.
دۇيسەن قاسەيىنوۆ تۇركىسوي- دىڭ ەستەلىك سىيلىقتارى، مەدالدارى مەن العىس حاتتارىن وسى بىرلەسكەن جوبانىڭ ۇيىمداستىرۋشىلارى مەن تاتار فيلارمونياسىنىڭ ارتىستەرىنە تاپسىردى.
تاتار مەملەكەتتىك فيلارمونياسىنىڭ ساحناسىندا قازاقستاندىق مۋزىكانتتار دا ونەر كورسەتتى، اتاپ ايتقاندا، حالىقارالىق بايقاۋلاردىڭ لاۋرەاتى اقەركە تاجىبايەۆا قوبىزبەن ەرمۇرات ۇسەيىنوۆتىڭ «ءومىر داستانىن» ورىندادى. وركەسترگە قازاقستاننىڭ ەڭبەك سىڭىرگەن ونەر قايراتكەرى قانات احمەتوۆ ديريجەرلىك ەتتى.
