ۇشاق ارقىلى زاڭسىز قارۋ تاسىمالداعان اۋە كومپانيا قىزمەتكەرلەرى ۇستالدى

استانا. قازاقپارات - Delta Air Lines- تىڭ ەكى قىزمەتكەرى اۋە كومپانيا ۇشاقتارى ارقىلى وق اتاتىن قارۋلاردى زاڭسىز تاسىمالداعانى ءۇشىن ۇستالدى. بۇل تۋرالى lenta.ru سايتى حابارلايدى.

2014-جىلدىڭ مامىرىنان باستاپ ولار اتلانتا - نيۋ-يورك باعىتى بويىنشا ويلارىن 20 دان استام رەت جۇزەگە اسىرىپ ۇلگەرگەن. قىلمىستىق توپتىڭ مۇشەلەرى حالىقارالىق اتلانتا اۋەجايىنىڭ جولجۇك ءبولىمىنىڭ قىزمەتكەرلەرى ەۆگەني حارۆي جانە اۋەكومپانيانىڭ بۇرىنعى قىزمەتكەرى مارك كۆەنتين گەنري ەكەندىگى انىقتالدى. حارۆي گەنريگە قارۋى بار جۇكتى جىبەرەردە، سكانەرلەيتىن قۇرىلعىلاردى اينالىپ وتەدى ەكەن. ال گەنري جۇكتى ءالى اتى اتالماعان پوليتسيا قىزمەتكەرى ارقىلى نيۋ-يورككە اتتاندىرىپ وتىرعان.

تەرگەۋ انىقتاعانداي، قىلمىسكەرلەر بۇگىنگە دەيىن 153 تەن استام قارۋ بىرلىگىن الىپ وتكەن. گەنري دجون كەننەدي اۋەجايىندا ۇستالعان. ال حارۆي اتلانتادا قولعا ءتۇستى.

اۆتورى: ءمادينا اسىلبەك

www.24.kz