بەلارۋس پرەزيدەنتى رەسەيلىك باسپا ءسوز وكىلدەرىن سىنعا الدى
«مەن ب ا ق جۇمىسىن مۇقيات قاداعالاۋدامىن. سىزدەردەن بۇگىن شەشىپ وتىرعان ماسەلەلەرگە ۇقىپتى قاراۋلارىڭىزدى سۇراعىم كەلەدى. ولار وڭاي شەشىلەتىن ماسەلەلەر ەمەس، ءبىزدىڭ وداعىمىزدىڭ اياسىندا وتكىزىلىپ وتىرعان ساياساتقا كەرى اسەرىن تيگىزەتىن مالىمدەمەلەردى جاساۋعا بولمايدى»، - دەدى ول.
«كەيبىر ب ا ق وداقتاستاردىڭ اتالعان جاعدايدا، ماسكەۋگە كەلىپ، رەسەيدەن الدەنەنى «جۇلىپ اكەتكىسى» كەلەتىنى تۋرالى مالىمدەدى. بىرىنشىدەن، مۇندا ەشكىم جاي كەلگەن جوق، بۇل ماسەلە كەدەندىك وداقتىڭ باستاماشىسى بولىپ تابىلاتىن رەسەي مەملەكەتىنىڭ باسشىسىمەن تالقىلاندى، ءبىز ونى قولدادىق جانە قولدايتىن بولامىز... ءبىز مۇندا قول سوزىپ كەلگەن جوقپىز. ەگەر اعايىندى رەسەيلىكتەرگە بىردەڭە كەرەك بولسا جانە ول قولىمىزدان كەلسە، پرەزيدەنت ءبىز كومەك بەرۋ ءۇشىن ءارقاشان قول ۇشىن بەرە الاتىنىمىزدى بىلەدى»، - دەپ قوسىپ ءوتتى ا. لۋكاشەنكو.
