تالدىقورعاندا پرەزيدەنتتىك شىرشا مەرەكەسى اتاپ ءوتىلدى - فوتو
دەپ حابارلايدى ءوڭىر باسشىسىنىڭ باسپا ءسوز قىزمەتى.
«جاستار» سپورت سارايىندا وتكەن مەرەكەگە وبلىستىڭ ءار بولىگىنەن وقۋ وزاتتارى، از قامتىلعان وتباسىنداعى بۇلدىرشىندەر مەن مۇگەدەك بالالار، كوپ بالالى جانۇيادان شىققان جاسوسپىرىمدەر قاتىستى.
جاڭا جىلدىق مەرەكەنىڭ نەگىزگى بولىگىندە بالالارعا قازاقستان رەسپۋبليكاسىنىڭ پرەزيدەنتى ن. ءا. نازاربايەۆتىڭ بەينە- قۇتتىقتاۋى كورسەتىلدى.
بۇدان كەيىن وبلىس اكىمى جاڭا جىلدىق شىرشانىڭ وتىن جاعىپ، قازاقستان رەسپۋبليكاسى پرەزيدەنتىنىڭ اتىنان بالالارعا سىيلىقتار تابىستادى.
- قۇرمەتتى بالالار! ەلباسى شىرشاسىنا قوش كەلدىڭىزدەر. جاڭا عانا سىزدەردى مەملەكەت باسشىسى نۇرسۇلتان ءابىش ۇلى نازاربايەۆ قۇتتىقتاپ، جاقسى تىلەكتەر تىلەدى. ەلباسىنىڭ سىندارلى ساياساتى ناتيجەسىندە ەلىمىزدە بالالاردىڭ باقىتتى ءومىر ءسۇرۋى ءۇشىن بارلىق جاعداي جاسالعان. سىزدەر ساۋلەتتى جانە زاماناۋي قۇرالدارمەن جابدىقتالعان مەكتەپتەردە ءبىلىم الۋداسىزدار. سىزدەر ءبىزدىڭ بولاشاعىمىزسىزدار. سوندىقتان جاقسى وقىپ، تاربيەلى بولۋ - ەڭ باستى مىندەتتەرىڭىز. كەلە جاتقان جاڭا 2015 - جىل سىزدەر ءۇشىن قۇتتى، ۇلكەن جەتىستىكتەرگە تولى جىل بولسىن، - دەپ اتاپ ءوتتى ا. باتالوۆ ءوزىنىڭ مەرەكەلىك قۇتتىقتاۋىندا.
وبلىستىڭ ءار وڭىرىنەن جينالعان وقۋشىلار مەن جاسوسپىرىمدەرگە تەاترلاندىرىلعان قويىلىمدار، سيرك ونەرپازدارىنىڭ باعدارلامالارى مەن حورەوگرافيالىق كومپوزيتسيالار كورسەتىلىپ، سوڭىنان بۇلدىرشىندەر وبلىس اكىمىمەن ەستەلىك سۋرەتكە ءتۇستى.
