شىمكەنتتىك دارىگەر قاراقۇيرىقتى ولتىرگەنى ءۇشىن ۇستالدى
«ۆاز-21213 كولىگى شاردارا-ارىس كۇرە جولىندا ۇستالدى. ونى قالالىق اۋرۋحانالاردىڭ بىرىندە جۇمىس ىستەيتىن شىمكەنتتىڭ 33 جاستاعى تۇرعىنى باسقارعان. كولىكتىڭ ىشىنەن قىزىل كىتاپقا ەنگىزىلىپ، قازاقستاندا سيرەك كەزدەسەتىن، جوعالىپ بارا جاتقان تۇرگە جاتاتىن قاراقۇيرىقتىڭ بولىنگەن تۇتاس ەتى تابىلدى»، - دەپ حابارلادى ءى ى د-نىڭ باسپا ءسوز قىزمەتىنەن.
بۇدان باسقا، كولىكتىڭ ىشىنەن 12- كاليبرلى اڭشى مىلتىعى، ونىڭ وقتارى جانە اڭشىعا قاجەتتى باسقا دا زاتتار انىقتالدى. بارلىق ايعاق دالەلدەر الىنىپ، كۇدىكتى ازامات ەشقايدا كەتپەۋ قولحاتىن تولتىردى.
اتالعان فاكتىگە سايكەس ق ر ق ك-نىڭ 288-بابى بويىنشا قىلمىستىق ءىس قوزعالدى. دارىگەر بۇل قىلمىسى ءۇشىن 200-دەن 500-گە دەيىن ا ە ك كولەمىندەگى ايىپپۇل تولەيدى نەمەسە مۇلكىن تاركىلەۋمەن بىرگە ءبىر جىلعا دەيىن باس بوستاندىعىنان ايىرۋ جازاسىنا كەسىلۋى مۇمكىن.
