بايقوڭىردىڭ التى مەكتەبى مەن ءبىر بالاباقشاسى قازاقستاننىڭ ءبىلىم بەرۋ جۇيەسىنە كوشتى
«2014 - جىلدىڭ 23 - جەلتوقسانىندا مەملەكەت باسشىسى نۇرسۇلتان نازاربايەۆتىڭ رەسەي فەدەراتسياسىنا ساپارى اياسىندا ق ر ءبىلىم جانە عىلىم ءمينيسترى اسلان ءسارىنجىپوۆ پەن رەسەيدىڭ ءبىلىم جانە عىلىم ءمينيسترى دميتري ليۆانوۆ بايقوڭىر قالاسىنداعى 6 مەكتەپ پەن 1 بالاباقشانى ق ر ءبىلىم بەرۋ جۇيەسىنە بەرۋ تۋرالى كەلىسىمشارتقا قول قويدى»، - دەپ حابارلادى ۆەدومستۆونىڭ باسپا ءسوز قىزمەتى. بۇل مەكەمەلەردە ءبىلىم بەرۋ قازاقستاندىق باعدارلامالارمەن جۇزەگە اسىرىلاتىن بولدى.
بۇعان دەيىن بايقوڭىر مەكتەپتەرى رەسەي فەدەراتسياسىنىڭ ستاندارتتارىمەن وقىپ كەلگەن ەدى. «بۇگىندە 6 مەكتەپتە قازاق تىلىندە مەملەكەتتىك جالپىعا مىندەتتى ءبىلىم بەرۋ ستاندارتتارىن ەنگىزۋدى قاراستىراتىن كەلىسىمشارت جوباسى جاسالىپ قويدى. وسىعان بايلانىستى ءبىلىم جانە عىلىم مينيسترلىگى مەملەكەتتىك ورگاندارمەن بىرگە قىسقا مەرزىمدە بۇل كەلىسىمشارتقا قول قويىلۋى تۋرالى ماسەلەمەن جۇمىس ىستەۋى كەرەك. بىزدە مەرزىم 2014 - جىل دەپ كورسەتىلگەن، ءبىراق ءبىز 2014 - جىلدىڭ سوڭىن كۇتپەيمىز، قازىر قاجەت»، - دەپ بۇعان دەيىن ۆيتسە-پرەمەر باقىتجان ساعىنتايەۆ ايتقان ەدى.
كەيىن بايقوڭىر مەكتەپتەرى قازاقستاندىق ستاندارتقا 2015 - جىلى 1 - قىركۇيەكتە كوشەتىنى بەلگىلى بولعان ەدى.
