كۋلاگين ۇلىنا قاتىستى جۋرناليستەردىڭ ءوزىن سۇراقتىڭ استىنا الدى
اكىمنىڭ ۇلى 2013-جىلى 26 جاسىندا استانانىڭ الماتى اۋدانىنىڭ باسشىسى اتاندى. كەيىن «ا» كورپۋسىنا ىرىكتەۋدەن وتە الماي، ورنىنان كەتتى. قازىر پاۆەل كۋلاگين استانانىڭ كوممۋنالدىق شارۋاشىلىق باسقارماسىن باسقارادى. جۋرناليستەر «26 جاس اكىم بولۋعا ەرتە ەمەس پە؟» دەگەن سۇراق قويدى. ال سەرگەي كۋلاگين ب ا ق وكىلدەرىنە قارسى سۇراق قويدى.
«سىزدەر» ءسىز قانشا جاستا اكىم بولدىڭىز؟ « دەپ سۇراڭىزدار. مەن 26-27 جاستا كەڭشار ديرەكتورى بولدىم، مەن شوشقا باعاتىن ساۋىنشى ايەلدىڭ بالاسىمىن، وتباسىندا ۇشەۋمىز، اكەمىز جوق، مەن ەڭ كەنجە بالامىن. ۇشەۋمىز دە وقىدىق، شارۋاشىلىقتاردى باسقاردىق، كەيىن مەن جىلدام كوتەرىلىپ، ول كەزدە اعام دا اۋدان باسشىسى بولاتىن، مەن وبلىستى باسقارىپ، اعامدى جۇمىسىنان شىعاردىم. سىزدىڭشە ەرتە مە؟ قازىر تالداۋ جاساپ، قاراپ كورىڭىز، 26 جاستاعىلار جوق پا ەكەن؟ الدە كۋلاگيندى عانا كورىپ قالدىڭىز با؟»، - دەدى ول.
سونداي-اق ول جۋرناليستەردىڭ وزىنەن «26 جاستا باسشى مىندەتىن اتقارا الار ما ەدىڭدەر؟» دەپ سۇرادى. «سوندىقتان قازىر اينالاعا قارايتىن بولساق، ولار از ەمەس. سوندا وسىندا وتىرعان 26 جاستاعىلار وزدەرىن تالانتسىز نەمەسە باسقارۋ قابىلەتى جوق ساناي ما، مىسالى بىرەۋگە رەداكسيانى تاپسىرسا؟»، - دەپ سۇراق قويدى ول بريفينگتە، سوڭىنان ءوزى سوعان جاۋاپ بەردى: «ەرتە ەمەس. تالاپتانسىن»، - دەدى ول، ءوز ۇلى تۋرالى.
