تارازدىق جاس عالىم اۋرۋعا قارسى اياق كيىم ويلاپ تاپتى
جاس عالىمنىڭ جاڭالىعى - قونىشى قىسقا، تابانى قالىڭ اياق - كيىم. ەرەكشەلىگى سول - ۇلتاراعى كۇمىس يوندار مەن ارنايى قوسپالارى بار سيليكوننان جاسالعان. ويتكەنى، «سيليكون سالۋ ارقىلى سۋسامىر سيندرومى اسقىنعان تاباندارعا جۇمساقتىق بەرىپ، جىلدام جازىلۋىنا اسەر ەتەدى، - دەيدى.
بەكجان ابزالبەكوۆ، ونەرتاپقىش:
- قانت ديابەتىنە شالدىققان ناۋقاستاردىڭ اياق كيىمدەرىن ىڭعايلى ەتۋ ءۇشىن كونسترۋكتسياعا شۇلىعى تولىق اشىلاتىن ەتىپ اياق كيىم ويلاپ تاپتىم. كيگەن كەزدە وڭاي كيىلىپ، شەشىلەدى. ءجۇرۋ بارىسىندا ناۋقاستىڭ تابانىنىڭ ەرەكشەلىگىنە بايلانىستى ۇلعايتۋعا جانە تارىلتۋعا بولادى. اياق كيىم وتە ناتۋرالدى، گيگيەنالىق قاسيەتتەرى جوعارى ماتەريالداردان جاسالعان. وسىنداي اياق كيىمدى جاساپ قولدانىسقا ەنگىزەتىن بولساق ناۋقاستاردىڭ ەڭبەككە جارامدىلىعىن ۇزارتىپ، تابان اۋرۋلارىنىڭ الدىن الۋعا كومەكتەسەمىز.
ونەرتاپقىشتىڭ ەندىگى ماقساتى وسى جوبانى جۇزەگە اسىرۋ. ويتكەنى، عالىمداردىڭ جاڭالىعىن ناسيحاتتاۋدىڭ ءوزى وڭاي شارۋا ەمەس. ءارى پايداسىن ەكى ەسەگە ارتتىرۋ ءۇشىن جابدىقتاردىڭ جوقتىعى قول بايلاۋ بولىپ تۇرعانعا ۇقسايدى.
ورىنباسار جاناحمەتوۆ، ونەرتاپقىشتىڭ عىلىمي جەتەكشىسى:
- بولاشاقتا الدىمىزعا قويىپ وتىرعان نەگىزگى ماقساتتاردىڭ ءبىرى بەكجانمەن بىرگە نانوتسەليۋلوزانىڭ قوسپالارىن الىپ، جاڭا ماتەريال تاپقىمىز كەلىپ وتىر. سول دەڭگەيگە جەتۋگە جابدىقتاردىڭ جوقتىعىنان قيىندىقتار تۋىپ وتىر.
قانت ديابەنىنە شالدىققان ءسابيت باۋبەكوۆ بۇل جاڭالىقتى ەستي سالا قاتتى قۋاندى. ول 20 جىلدان بەرى اتالمىش اۋرۋدىڭ اياققا تۇسكەن ازابىن كورىپ كەلەدى. تەحنيكا عىلىمدارىنىڭ دوكتورى، پروفەسسور كامەرا الدىندا قىسىلماستان تابان جاراسىن كورسەتىپ، قالاي قينالعانىن ايتىپ بەردى.
ءسابيت باۋبەكوۆ، پروفەسسور:
- مەن ءبىرىنشى وچەرەد ساتىپ الامىن. قولدانعاندا تەگىن ەمەس ايتقان باعاسىنا ساتىپ الىپ كيەمىن. ويتكەنى اياعىم وتە قيناپ ءجۇر مەنى. كۇمىس دەگەن جارىقتىق كەز كەلگەن باكتەريانى جويىپ جىبەرەدى. مىنە ايىرماشىلىعى دا سوندا. باسقا ەلدەردە دە بار، ولار دا قولدانىپ جاتىر، ءبىراق كۇمىس قولدانعان ءبىرىنشى رەت بولىپ وتىر.
ديابەت دەرتىنىڭ تابان سيندرومىنان ايىقتىراتىن اياق-كيىم جەرگىلىكتى دارىگەرلەردى دە قىزىقتىرادى. قازىر جامبىل وبلىسى بويىنشا 13 مىڭ ادام وسى اۋرۋدىڭ زاردابىن تارتىپ وتىر ەكەن.
باقىت وتارشيەۆا، جامبىل وبلىستىق اۋرۋحاناسىنىڭ باس ەندوكرينولوگى:
- ول جاقسى يدەيا! ماماندار تەكسەرۋ وتكەننەن كەيىن، اۋرۋلار اياعىنا كيىپ، باقىلاپ، وزدەرىنە قالاي بولادى، جارالارى تەز جازىلا ما، باقىلاپ كورۋ كەرەك. سودان كەيىن ايتۋعا بولادى. وسىنداي اياق كيىم جاقسى بولدى جامان بولدى، قالاي بولدى.
ستاتيستيكاعا سۇيەنسەك، قازىر قازاقستاندا 700 مىڭنان استام ادام قانت ديابەتىنە شالدىققان. سوندىقتان، ناۋقاستار ءۇشىن بۇل جاعىمدى جاڭالىق بولىپ وتىر. ال، ونىڭ كەڭ قولدانىسقا قاشان ەنەتىندىگى الداعى ۋاقىتتىڭ ەنشىسىندە.
