قايرات نۇرتاس بيبىگۇل تولەگەنوۆانىڭ سىنىنا جاۋاپ بەردى

استانا. قازاقپارات - ءانشى قايرات نۇرتاس ك س ر و حالىق ءارتىسى بيبىگۇل تولەگەنوۆانىڭ سىنىنا جاۋاپ بەردى. بۇل تۋرالى ول «لادا» پورتالىنا بەرگەن سۇحباتىندا ايتتى.

«بىلەسىز بە، ول كىسىنىڭ مەنى تانيتىنىنىڭ وزىنە قۋانىشتىمىن. اركىمنىڭ ءوز پىكىرى بار. نەشە ءتۇرلى جاعداي بولادى. مەن ونىڭ سوزدەرىنە وكپەلەمەيمىن. كەرىسىنشە، ول كىسىنى انامداي كورەمىن. ونى شەكسىز قۇرمەتتەيمىن»، - دەدى ول «ءسىز بيبىگۇل تولەگەنوۆانىڭ سىنىنا قالاي قارادىڭىز؟» دەگەن ساۋالعا.

سۇحبات بارىسىندا قايرات نۇرتاس كەلەشەكتە نەمەن اينالىسقىسى كەلەتىنىن دە ايتتى. «ەسەيگەندە ءوزىمدى ساياساتتا سىناپ كورگىم كەلەدى»، - دەدى ول. ءانشى وزىنە ەلىكتەيتىن جاستارعا قالىپتى جايت دەپ قارايتىنىن ايتتى، سەبەبى ءبىر كەزدەرى ونىڭ ءوزى دە مەيرامبەك بەسبايەۆقا ۇقساۋعا تىرىسىپتى.

ەسكە سالا كەتەيىك، بۇعان دەيىن رەسپۋبليكالىق باسىلىمداردىڭ بىرىنە بەرگەن سۇحباتىندا ك س ر و حالىق ءارتىسى بيبىگۇل تولەگەنوۆا قايرات نۇرتاستى دارىنسىزدىعى ءۇشىن سىناپ، قازىرگى ەسترادادا سول سياقتى «ءبىر كۇندىك جۇلدىزداردىڭ» تولىپ كەتكەنىن ايتقان ەدى. «بۇل بالا تۋرالى ءسىز ماعان ءتىپتى ەشتەڭە ايتپاڭىز! مەن ونى تىڭدامايمىن جانە مويىندامايمىن. بۇل ونەر ەمەس - بۇزىلعاندىق! ول تەك قانا جاستاردى بۇلدىرەدى، جالعىز عانا ايتا الاتىنىم، ەسترادادا بولىپ جاتقان نارسەنىڭ بارلىعى - مىنا تارام-تارام، ونىڭ ۇستىنە، ەشقانداي ءبىلىمى جوقتار. كاسىپقويلار مەنى قولدايدى دەپ ويلايمىن، ءبىز ءۇشىن مۇنداي ورىنداۋشىلار جوق»، - دەدى ايگىلى ءانشى.

tengrinews.kz