10:03, 23 - جەلتوقسان 2014 | GMT +5
قىتايدا اسكەري ۇشاق اپاتقا ۇشىراپ، ەكى ادام قازا تاپتى
استانا. قازاقپارات - قىتايدىڭ شانشي پروۆينتسياسىندا اسكەري ۇشاق اپاتقا ۇشىرادى. بۇل تۋرالى «حۋاشان ۋاڭ» ينتەرنەت- پورتالى حابارلايدى.
كۋاگەرلەردىڭ حابارلاۋىنشا، ۇشاق ۇشىپ بارا جاتقاندا ورتكە ورانىپ، القاپقا قۇلاعان. ونىڭ سىنىقتارى تۇسكەن جەردە وت شىققان. ءتىلسىز جاۋدى اۋىزدىقتاۋعا 4 ءورت ءسوندىرۋ كولىگى جۇمىلدىرىلدى.
جەرگىلىكتى پوليتسەيدىڭ ايتۋىنشا، ۇشاق بورتىندا بولعان ەكى ۇشقىش تا قازا تاپتى.
ۇشاق مودەلىنە، اپات سەبەبىنە قاتىستى جانە وزگە دە اقپاراتتار ايتىلمادى، دەپ جازادى ТАСС.
