08:36, 23 - جەلتوقسان 2014 | GMT +5
مۇحامەد ءالي اۋرۋحانادان شىعا ما؟
استانا. قازاقپارات - وتكەن جەكسەنبىدە وكپەسى قابىنىپ اۋرۋحاناعا تۇسكەن مۇحامەد ءاليدىڭ دەنساۋلىعى جاقساردى، دەپ حابارلادى سپورتشىنىڭ باسپا ءسوز حاتشىسى بوب گاننەلل. بۇل تۋرالى BBC اگەنتتىگى جازدى.
دارىگەرلەردىڭ بولجامى بويىنشا، مۇحامەد ءالي الداعى كۇندەرى اۋرۋحانادان شىعادى. بوب گاننەلل بوكسشى جانۇياسىنىڭ ءوتىنىشى بويىنشا، ونىڭ قاي اۋرۋحانادا جاتقانىن جانە دەنساۋلىعى تۋرالى ناقتى اقپاراتتار بەرۋدەن باس تارتتى.
1984-جىلى، سپورتتىق كارەراسىن اياقتاعاننان سوڭ 3 جىلدان كەيىن مۇحامەد اليدەن پاركينسون اۋرۋى انىقتالعان.
سوڭعى ۋاقىتتا بوكسشى قوعام الدىندا كوپ كورىنبەيدى. تەك، ۇستىمىزدەگى جىلدىڭ قىركۇيەك ايىندا ول ءوز اتىمەن اتالاتىن گۋمانيتارلىق سىيلىقتى تابىس ەتۋ سالتاناتتى شاراسىنا قاتىستى.
