استانا اكىمى قالانىڭ جاڭاجىلدىق بەزەندىرىلۋىنە ەرەكشە نازار اۋداردى - فوتو
«قالا باسشىسى اسىرەسە، ەلوردانىڭ لايىقتى سىرت كەلبەتىن قالىپتاستىرۋ ماسەلەسىنە ەرەكشە نازار اۋداردى. سونىمەن قاتار، اكىم اكىمشىلىك جانە تۇرعىن عيماراتتارىن جارىق شامدارىمەن قامتاماسىز ەتۋدى، تۇنگى يلليۋميناتسيامەن جۇمىس ىستەۋدى تاپسىردى.
قالا تۇرعىندارى مەن قوناقتارىنىڭ جايلى دەمالىسى ءۇشىن مۇز الاڭدارى سالىناتىن بولادى.
ورتالىق پاركتىڭ قالپىنا كەلتىرىلگەنىنە قاراماستان، ەسىل وزەنىنىڭ جاعالاۋىندا تۇنگى جارىقتاندىرۋدى قامتاماسىز ەتۋ تاپسىرىلدى.
بۇل رەتتە ادىلبەك جاقسىبەكوۆ ۆەدومستۆوعا قاراستى باسقارمالاردىڭ جۇمىسىنا ناق وسى ادامداردىڭ باعا بەرەتىنىن اتاپ ءوتتى.
استانادا جاڭا جىل قارساڭىندا 38 شىرشا ورناتىلدى. سونىمەن قاتار، شاعىن ساۋلەتتىك پىىشىندەر ورناتىلىپ، عيماراتتاردىڭ قاسبەتتەرى بەزەندىرىلدى، شامدار دەكوراتيۆتىك راسىمدەلدى، يلليۋميناتسيالىق اركالار مەن كرونشتەيندەر جاسالدى»، دەلىنگەن حابارلامادا.
