14:12, 22 - جەلتوقسان 2014 | GMT +5
شىڭعىس حاننىڭ ۇرپاعى قازاقستاندا نە ىستەپ ءجۇر؟
استانا. قازاقپارات - قازاقستانعا اتاقتى قولباسشى شىڭعىس حاننىڭ 29- ۇرپاعى پۋريەۆ داۆاانيام ارنايى ساپارمەن كەلدى.
بۇل ونىڭ ەلىمىزگە وسىمەن بەسىنشى رەت كەلۋى. قازاق جەرىنە ات باسىن بۇرۋىنىڭ باستى ماقساتى - شىڭعىس حان فيلوسوفياسىن ناسيحاتتاۋ ەكەن.
بۇگىندە پۋريەۆ داۆاانيام ۇلان-باتورداعى شىڭعىس حان اتىنداعى اكادەميانى باسقارىپ وتىر. قۇرىلعانىنا 18 جىل بولعان اتالمىش وقۋ ورنى الەم بويىنشا شىڭعىس حاننىڭ فيلوسوفياسىن تاراتۋدا.
ۇرپاعىنىڭ ايتۋىنشا، ۇلى قاعان جايلى دەرەكتەرگە جاھاننىڭ 140 تان استام مەملەكەتى قىزىعۋشىلىق تانىتىپ وتىر. سوندىقتان قازاقستان سونىڭ ىشىندەگى ەلدەردىڭ ءبىرى بولسا ەكەن، - دەيدى پۋريەۆ داۆاانيام.
www.khabar.kz
