لۋكاشەنكو ۋكرايناعا كومەكتەسۋگە دايىن ەكەنىن ايتتى
لۋكاشەنكو ۋكرايناعا كومەكتەسۋگە دايىن ەكەنىن ايتتى.
ايتۋىنشا، لۋكاشەنكو گەوساياسي توقىراۋدان قاۋىپتەنىپ، بارلىق تاراپقا جاعۋعا تىرىسۋدا. ماسەلەن، بەلورۋسسيا باسشىسىنىڭ ماسكەۋ مەن كيەۆ اراسىندا تاتۋلاستىرۋشى-بىتىمگەرلىك قىزمەت اتقارۋى ەڭ الدىمەن لۋكاشەنكونىڭ وزىنە ءتيىمدى.
ساراپشىنىڭ پىكىرىنشە، لۋكاشەنكو سونداي-اق، ەۋروپالىقتاردىڭ الدىنداعى ابىرويىن دا ساقتاپ قالۋعا تىرىسۋدا. ەسكە سالايىق، وسىدان بىرەر كۇن بۇرىن كيەۆتە ۋكراينا مەن بەلارۋس پرەزيدەنتتەرى كەزدەسكەن-ءدى.
جابىق فورماتتاعى جيىننان كەيىن ەكى ەل ليدەرلەرى جۋرناليستەرگە سۇحبات بەرىپ، لۋكاشەنكو ۋكراينالىق ارىپتەسىنىڭ كەز-كەلگەن ءوتىنىشىن ءبىر كۇن ىشىندە ورىندايتىندىعىن ايتقان بولاتىن.
«بەلورۋسسيا ۋكراينانىڭ كەز كەلگەن ءوتىنىشىن ءبىر كۇندە ورىندايدى. بۇرىن دا سولاي بولعان. الداعى ۋاقىتتا دا سولاي بولادى. بۇل ويىن ەمەس. ەكى ەل اراسىنداعى تاۋار اينالىمى زور، وعان قوسا ءبىز كورشىلەس، باۋىرلاس ەلمىز. سوندىقتان، بەلورۋسسيا ءاردايىم ۋكراينانى قولدايدى»، - دەدى الەكساندر لۋكاشەنكو.
ايتا كەتەيىك، بۇگىن كيەۆكە قازاقستان پرەزيدەنتىنىڭ دە ساپارى جوسپارلانعان. قازاقستان پرەزيدەنتى ۋكراينا باسشىسىمەن بىرگە ەكى جاقتى قارىم-قاتىناس، ساۋدا-ەكونوميكالىق ىنتىماقتاستىق ماسەلەلەرىن تالقىلايدى دەپ، اقوردانىڭ باسپا ءسوز قىزمەتى حابارلادى.
«استانا تەلەارناسى»
