قالتا تەلەفونىن سۋعا ءتۇسىرىپ العان جاعدايدا نە ىستەۋ كەرەك؟

 استانا. قازاقپارات - بۇل كەز كەلگەن ادامنىڭ باسىنان ءوتۋى مۇمكىن. مۇنداي جاعدايدا نە ىستەيمىز؟ ەڭ الدىمەن، لەزدە سۋدان شىعارىپ الىڭىز، ىشكى بولىگىنە سۋ كىرىپ ۇلگەرمەۋى ابدەن مۇمكىن. الايدا، قۇرعاتپايىنشا تەلەفوندى قوسپاعانىڭىز ءجون.

الدىمەن مىناداي شارالار قولدانۋ كەرەك:

1. باتارەياسىن الىپ تاستاڭىز. سونداي- اق باتارەيادا نەمەسە ونىڭ جانىندا كىشىگىرىم اق قاعاز بولادى. سۋ تيگەن جاعدايدا ول قىزعىلت تۇسكە بويالادى. ول ارقىلى تەلەفون سۋ بولعانى- بولماعانىن انىقتاۋعا بولادى.

2. SIM- كارتانى، جادى كارتاسىن الىپ تاستاڭىز. سونىمەن قاتار تەلەفونعا قوسىلعان وزگە دە قۇرىلعىلاردان اجىراتىڭىز.

ەندى قۇرعاتۋعا كىرىسەيىك:

1. قۇرعاق، ىلعال تارتاتىن شۇبەرەكپەن ءسۇرتىڭىز. تەلەفوندى شايقاۋدىڭ قاجەتى، پايداسى جوق. كەرىسىنشە، سۋ ءارى- بەرى تاراپ كەتۋى مۇمكىن. سونداي- اق سپيرت كومەكشى بولۋى مۇمكىن. الكوگول سۋدى ىعىستىرىپ، ءوزى از ۇاقىتتا ۇشىپ كەتەدى.

2. شاڭسورعىشتى پايدالانىپ كورىڭىز. ول ىلعالدى تارتىپ الادى. الايدا تەلەفوننىڭ بولشەكتەرىن تارتىپ تا الۋى مۇمكىن، سوندىقتان ولاردىڭ مىقتى ورناتىلعانىن تەكسەرىڭىز.

ەسكەرتۋ: شاش كەپتىرگىشتى قولدانباڭىز! ول كەپتىرۋدىڭ ورنىنا، سۋدى ارى قاراي يتەرىپ، كەپتىرۋگە كەرى اسەرىن بەرۋى مۇمكىن. سونداي- اق تەلەفوندى قىزدىرىپ جىبەرسە، قۇرىلعىلار بۇزىلۋى مۇمكىن.

3. تەلەفوندى كۇرىشكە سالىپ، ءبىر تاۋلىككە قالدىرىڭىز. كۇرىش ىلعالدى ءسىڭىرىپ، تەلەفونىڭىزدى قۇرعاتادى.

تەلەفونىڭىز كەم دەگەندە ءبىر تاۋلىك كەپكەننەن كەيىن عانا ونى قوسۋعا بولادى.

massaget.kz