جۇلدىزدار جاڭا جىل كەشتەرىندە قانشا سۇرايدى - فوتو
سەبەبى، جاڭا جىل وتباسىلىق مەرەكە دەپ ايتىلعانىمەن، ءىس جۇزىندە وداندا اۋقىمدىراق تويلانارى جاسىرىن ەمەس.
قايرات نۇرتاس بۇل جولى دا ۇجىمدىق كەشتەرگە كوپ ءارى قوماقتى قارجىعا باراتىن ءانشى بولىپ شىقتى. ارينە، بۇنداي ماعلۇماتتى بەيرەسمي اقپارات كوزدەرى تاراتىپ وتىر.
مەرەكەلىك شارالاردى ۇيىمداستىرۋ اگەنتتىكتەرىنىڭ مالىمەتىنشە، ءاربىر تاپسىرىس بەرۋشىنىڭ ءۇشىنشىسى قايرات نۇرتاستى سۇرايدى ەكەن. مىسالى، وسى اپتادا بۇل ءانشى باتىس قازاقستان جەرىندەگى ۇجىمدىق كەشكە شاقىرعاندارعا 12000 ا ق ش دوللارىنا كەلىسكەن.
ال ساحنادان، بۇقارالىق اقپارات قۇرالدارىنان كورىنبەي كەتكەن سىرىم يسابايەۆ شىمكەنتتە كونسەرت قويىپ ءجۇر دەسەدى. سوزىنشە، مەرەكەلىك كەشتەرگە، تويعا تاعى باسقا شارالارعا، اقشاسىنا كەلىسسە، قازاقستاننىڭ كەز كەلگەن جەرىنە بارۋعا دايىن. نەگىزگى باعاسى الماتىدا - 1000 ا ق ش دوللارى. ال قازاقستاننىڭ وزگە اۋماقتارىنا 2000 ا ق ش دوللارىن قاناعات كورەدى ەكەن.
كەي انشىلەر كۇز مەزگىلىندەگى تويلاردان كەيىن، جاڭا جىل قارساڭىنداعى كورپوراتيۆتىك كەشتەرگە دە ۇلكەن دايىندىق كورەتىندەرىن جاسىرمايدى. ارينە، ۇجىمدىق مەرەكەلىك كەشتەر انشىلەر مەن اسابالاردىڭ قىزمەت اقىسى وسەتىن كەز.
بۇگىنگىنىڭ تويىنىڭ حيتىنە اينالعان «ماريا ارمان ەدىڭ» ءانىنىڭ ورىنداۋشىسى اسحات تارعىنوۆ مەرەكەسىز دە تويدان تويعا جۇگىرىپ قاربالاستا ءجۇر. قازاقستاننىڭ قاي جەرىنە شاقىرسا دا ۇجىمدىق كەشتەرگە 5000 ا ق ش دوللارىمەن بارامىن دەيدى.
ال الماتىدا بولسا ارزانداۋ، 3000 ا ق ش دوللارى، ۋاقىتىنىڭ ىڭعايى بولىپ جاتسا، بۇدان دا ارزانعا ءان ايتاتىن كەزدەرى بولادى ەكەن.
بيىلعى جىلدىڭ تاعى ءبىر حيت ءانى «اسپانعا قارايمىن». ورىنداۋشى اباي بەگەي مەرەكەلىك كەشتەر مەن ۇجىمدىق باس قوسۋلارعا وسى ۋاقىتتىڭ وزىندە كەلىسىپ تاستاپتى. باعاسى 3000-5000 ا ق ش دوللارى ارالىعىندا. ەگەردە وسى ءاندى كۋبالىق «Sin Frontera» توبىمەن شاقىرتۋ الاتىن بولسا، باعاسى ەكى ەسەلەنەدى ەكەن.
بەلگىلى تەلەجۇرگىزۋشى ماقسات تولىقباي توي تىزگىنىن قولعا الىپ، اسابالىقپەن دە اينالىسادى. ول مەرەكە قارساڭىندا نەگىزگى جۇمىسىمەن قاتار ۇجىمدىق كەشتەردىڭ كوڭىلدى وتۋىنە اتسالىسادى.
ونداي كەشتەرگە اسىرەسە جاڭا جىل مەرەكەسى قارساڭىندا سۇرانىستار ارتا تۇسەتىنىن جاسىرمايدى. ال قىزمەت اقىسىنىڭ قۇنى ءبىر باعاعا قاتىپ قالماعانىن ايتادى. ۇزىنقۇلاقتان كەلىپ تۇسكەن اقپاراتقا سۇيەنسەك، ونىڭ ءناپاقاسى كەم دەگەن 2000 مىڭ ا ق ش دوللارىن قۇرايدى.
توي جۇرگىزۋدە بىلىكتىلىگىن ارتتىرىپ العان اسابالاردىڭ ءبىرى امان تاسىعان. تەلەجۇرگىزۋشىلىكپەن قاتار مەرەكەلىك كەشتەردى كوڭىلدى باسقارۋدىڭ شەبەرى.
الماتىدا ءبىر تويدى باسقارعانى ءۇشىن 2000 ا ق ش دوللارىن الادى. ال جاڭا جىل قارساڭىنداعى ۇجىمدىق كەشتەردەگى قىزمەت اقىسى 3000 ا ق ش دوللارىنا قىمباتتايدى.
ال تانىمال اكتەر ءارى ءانشى نۇرلان ءالىمجان سۇرانىس قانشا كوپ بولماسىن، اسابالىققا دا، ءان ورىنداۋعا دا، باعانى ويناتۋدى ۇيات كورەتىنىن ايتادى. دەسە دە، ونەر ادامى رەتىندە قىزمەت اقىمنىڭ قۇنى دەپ ءدوپ باسىپ ايتۋدى دۇرىس كورمەيدى.
قازىر اندەرىنە بەينەبايان ءتۇسىرىپ جۇرگەن نۇرلان ءالىمجان كورپوراتيۆتىك كەشتەرگە وراي شاقىرتۋلاردىڭ كوپ ءتۇسىپ جاتقانىن ايتادى. ۋاقىتى جەتىپ، مۇمكىندىگى بولىپ جاتسا، تويلاردان قالماۋعا تىرىسادى ەكەن.
NUR. KZ
