دەرەكتى فوتوسۋرەت كونكۋرسى وتىنىشتەر قابىلداي باستادى
بايقاۋعا قاتىسۋشىلار ءبىر جوبا اياسىنا كىرەتىن 15 فوتوسۋرەت جىبەرۋى شارت.
الەمنىڭ كاسىبي جانە اۋەسقوي فوتوگرافتارى ادام قۇقىقتارىنا ارنالعان كونكۋرسقا قاتىسا الادى. بۇل ءداستۇرلى Book Awart FotoEvidence جۇلدەسى ادام قۇقىعىنىڭ بۇزىلماۋى جولىنداعى كۇرەستى، ەرلىكتى، ادىلەتسىزدىكپەن كۇرەستى ناسيحاتتايتىن فوتوگراف- دوكۋمەنتاليسكە بەرىلەدى، دەپ حابارلايدى kaztv.kaztrk.kz.
جەڭىمپازدىڭ جوباسى FotoEvidence كىتاپتار سەرياسىنا جاريالاناتىن بولادى. بۇل - ەرلىك، الەۋمەتتىك ادىلەتسىزدىككە ارنالعان فوتوسۋرەتتەر جاريالاناتىن كىتاپ. سونداي-اق، فوتوگراف ساتىلعان كىتاپتاردان قالاماقى دا الادى.
قاتىسۋشىلار ءبىر جوبا اياسىنا كىرەتىن 15 فوتوسۋرەت جانە 50 ا ق ش دوللارى كولەمىندە تولەماقى جىبەرۋى قاجەت.
وتىنىشتەر 2015 - جىلدىڭ 15 - قاڭتارىنا دەيىن قابىلدانادى.
BNews.kz
