پرەزيدەنت كوستيۋم مەن گالستۋكتى ءوزى تاڭدايدى
جۋرناليستەر مەملەكەت باسشىسىنىڭ 2014 -جىلى 40 تان استام ەلدىڭ باسشىسىمەن كەزدەسكەنىن، سونىمەن قاتار 120 مىڭ شاقىرىم جول جۇرگەنىن ەسەپتەدى.
«قاي پرەزيدەنتتىڭ دە جۇمىسى كوپ ەڭبەكتى تالاپ ەتەدى. سوندىقتان دەنساۋلىعى ناشار ادام جۇمىس ىستەي المايدى. مۇنداي ادام وزدىگىنەن قالا بەرمەۋى كەرەك، سەبەبى بۇل مەملەكەت ءۇشىن زيان. سوندىقتان ءبىرىنشى كەزەكتە دەنساۋلىق بولۋى كەرەك. ال دەنساۋلىقتى اتا-انا بەرەدى. اتا-انام ماعان زور دەنساۋلىق بەردى، مەن تاۋدا ءوستىم، سودان شىنىققان شىعارمىن. وسكەندە سپورتقا قىزىقتىم. شىمبۇلاقتا تاۋ شاڭعىسىمەن سىرعاناۋدى مەن باستادىم، ول جاقتا ەشكىم بولمايتىن، قازىر وندا ورىن جوق. قازاقستاندا تەننيس ويناۋدى مەن باستادىم، قازىر قازاقستاننىڭ بارلىق وڭىرىندە وينايدى. گولفتىڭ دوبىمەن ءبىرىنشى بولىپ 1996 - جىلى الماتىدا، «الاتاۋ» شيپاجايىندا مەن سوققى جاسادىم. اتپەن شاپتىم، قازىرگى ۋاقىتتا ات سپورتى دامىعان. جاستاردىڭ ۇلگى الىپ جاتقانى قانداي جاقسى»، - دەدى قازاقستان پرەزيدەنتى.
ونىڭ ايتۋىنشا، دەنساۋلىقتى ءارقاشان كۇتۋ كەرەك. «تاياۋدا تۇڭعىش پرەزيدەنت كۇنىندە ينتەرنەتتە كوستيۋمدى قايدان الاتىنىمدى، گالستۋگىمدى كىم تاڭدايتىنى تالقىلاندى. ەشكىم دە تاڭدامايدى، ءستيليسىم جوق، كوستيۋمەرىم دە جوق. كەيبىر پرەزيدەنتتەر مۇنىڭ ءبارىن وزىمەن بىرگە الىپ جۇرەدى. مەن بولسام جاي عانا اۋىلدىڭ شارۋا جىگىتىمىن. مەن شارۋالار وتباسىنان شىقتىم، ناعىز تومەننەن. مەنىڭ ءومىربايانىم جۇمىسپەن بايلانىستى، قولىمدا كۇرەگى مەن سۇيمەنى بار مەتاللۋرگپىن. بۇل مەنى تاربيەلەدى، ءبارىن ءوزىم جاسايمىن. سوندىقتان شىدايمىن»، - دەدى نازاربايەۆ.
