عالىمدار بۇرىن بەلگىسىز بولعان جەردىڭ انالوگىن تاپتى

استانا. قازاقپارات - بريتاندىق كولۋمبيا ۋنيۆەرسيتەتىنىڭ (كانادا) استرونومدارى كۇن جۇيەسىنەن تىستا جاتقان جەر اتموسفەراسىنا ۇقساس عالامشار ىزدەۋمەن اينالىسىپ كەلگەن.

عالىم دجەيمي مەتتيۋس ءبىزدىڭ عالامشاردان 180 جارىق جىلىنا تەڭ قاشىقتىقتا ورنالاسقان جاڭا جەردىڭ تابىلعانىن راستادى. عالامشارعا HIP 116454 b اتاۋى بەرىلىپتى.

جەردىڭ انالوگى ديامەترى بويىنشا ءبىزدىڭ عالامشاردان 2,5 ەسەگە، ال ماسساسى بويىنشا 12 ەسەگە ۇلكەن ەكەن. «بۇل الىپ مۇزدى نەپتۋن عالامشارىنىڭ كىشكەنە نۇسقاسىنا ۇقسايدى. ءبىر قىزىعى جاڭا جەردىڭ دە تورتتەن ءۇش بولىگى سۋمەن قاپتالعان بولۋى مۇمكىن»، - دەيدى زەرتتەۋشى.

وزگە دەرەكتەرگە سۇيەنەر بولساق، قازىرگە دەيىن بەلگىسىز بولعان ەكزوعالامشاردىڭ بار ەكەنىن دالەلدەيتىن دىبىستى ءبىرىنشى بولىپ امەريكالىق عالىمدار NASA عارىش اگەنتتىگىنە قاراستى Kepler تەلەسكوبىنىڭ كومەگىمەن انىقتاعان ەكەن. دەگەنمەن Kepler وربيتا بويىمەن اينالىپ، جەردىڭ باسقا بولىگىنە اۋىسىپ كەتكەندىگىنەن ولار دەر كەزىندە اقپاراتتى وڭدەي الماعان.

NASA ماماندارىنا كانادالىق ارىپتەستەرى كومەككە كەلگەن. كانادالىق استروفيزيكتەر MOST (Microvariability and Oscillations of STars satellite)  تەلەسكوبىن كەرەك باعىتقا نۇسقاۋلاپ، Kepler- ءدىڭ جاڭالىعىن تولىعىمەن راستاعان.

جاڭا عالامشار جارىققا وتە جاقىن ورنالاسقان. سوندىقتان ول ادام بالاسىنا پانا بولا الماۋى مۇمكىن. دەگەنمەن عالىمدار مەجەدەگى ەكزوعالامشار ءوز جۇيەسىندە جالعىز ەمەس ەكەنىنە ۇمىتتەنۋدە. مەتتيۋستىڭ ايتۋىنشا، قالعان عالامشارلاردىڭ ءبىرى ءومىر سۇرۋگە وڭ مەكەن بولا الادى.

زەرتتەۋدىڭ ناتيجەلەرى The Astrophysical Journal عىلىمي جۋرنالىندا جاريالاناتىن بولادى.

massaget.kz