12:13, 21 - جەلتوقسان 2014 | GMT +5
ۇلتتىق سپورت تۇرلەرى قاۋىمداستىعىنىڭ «ەلىمجان» وردەنى تابىستالدى
استانا. قازاقپارات - حالقىمىزدىڭ باعا جەتپەس قازىناسى - ۇلتتىق سپورت تۇرلەرىن دامىتۋعا سۇبەلى ۇلەس قوسىپ جۇرگەن ازاماتتاردى ماراپاتتاۋعا ارنالعان بۇل شارا وتكەن جىلدان بەرى قولعا الىنىپ كەلەدى. شارا بارىسىندا جىل بويى ۇزدىك دەپ تانىلعان 18 سپورتشىعا «التىن تۇعىر» تابىستالدى.
سونداي-اق، ۇلتتىق سپورت تۇرلەرى قاۋىمداستىعىنىڭ «ەلىمجان» وردەنىمەن ۇلتتىق سپورتتى ناسيحاتتاۋعا ەڭبەك سىڭىرگەن «قازاقستان» ر ت ر ك» ا ق باسقارما ءتوراعاسى نۇرجان مۇحامەدجانوۆا، «قانسونار» رەسپۋبليكالىق قاۋىمداستىعىنىڭ باسقارما ءتوراعاسى ورالباي ابدىكارىموۆ، وڭتۇستىك قازاقستان وبلىستىق ءماسليحاتىنىڭ دەپۋتاتى، كاسىپكەر، مەتسەنات بازارباي مۇسابەكوۆ ماراپاتتالدى.
ۇلتتىق ويىن تۇرلەرىن ۇلىقتاپ جۇرگەن سپورتشىلارعا ارنالعان كەش ەرلان رىسقالي، نۇرلان البان، ارداق بالاجانوۆا، يبراگيم ەسكەندىر سىندى انشىلەردىڭ جانە «الامان»، «بەلەس» توپتارىنىڭ قاتىسۋمەن ءوتتى.
سپورتشىلارعا جۇلدەنى ەلىمىزدىڭ مەملەكەت جانە قوعام قايراتكەرلەرى تابىستادى.
«قازاقستان»
