وزبەكستاندا پارلامەنتتىك سايلاۋ ءوتىپ جاتىر

تاشكەنت. قازاقپارات - وزبەكستاندا وزبەكستان رەسپۋبليكاسى ولي ءماجلسى (پارلامەنتتىڭ تومەنگى پالاتاسى) جانە جەرگىلىكتى حالىق دەپۋتاتتارى كەنگاشيى (كەڭەستە) سايلاۋى ءوتىپ جاتىر.

جەرگىلىكتى ۋاقىتپەن ساعات 06:00 دە (استانا ۋاقىتى بويىنشا ساعات 07:00 دە) بارشا ەل بويىنشا 135 سايلاۋ وكرۋگتەرىندە ورنالاسقان 9 مىڭ ۋچاسكەنىڭ ەسىگى اشىلدى. داۋىس بەرۋگە داۋىس بەرۋ قۇقىعىنا يە ەلدىڭ 20 ميلليون 789 مىڭنان استام ازاماتتارى قاتىسادى.

پارلامەنتتەگى ورىنعا ءتورت ساياسي پارتيا تالاسادى. بۇل وزبەكستاننىڭ حالىقتىڭ دەموكراتيالىق پارتياسى، «ميللي تيكلانيش» دەموكراتيالىق پارتياسى، «ادولات» الەۋمەتتىك-دەموكراتيالىق پارتياسى، كاسىپكەرلەر مەن ىسكەرلەر قوزعالىسى - وزبەكستاننىڭ ليبەرالدىق-دەموكراتيالىق پارتياسى. 135- ورىنعا 535 ۇمىتكەر بار.

15- ورىنعا كۆوتا وزبەكستاننىڭ ەكولوگيالىق قوزعالىسىنا ءبولىندى، بۇل قوزعالىستان دەپۋتاتتار بۇگىن رەسپۋبليكالىق ەكولوگتار كونفەرەنتسياسىندا جاسىرىن داۋىس بەرۋ ارقىلى سايلانادى.

سايلاۋ ۋچاسكەلەرىندە داۋىس بەرۋ بارىسىن ءبىرقاتار مەملەكەتتەردەن باقىلاۋشىلار، حالىقارالىق ۇيىمدار مەن قوزعالىستار وكىلدەرى قاداعالايدى. ولاردىڭ ىشىندە - ە ق ى ۇ د ي ا ق ب وكىلدەرى، ت م د اتقارۋشى كوميتەتى، شانحاي ىنتىماقتاستىق ۇيىمى، يسلام ىنتىماقتاستىق ۇيىمى، سونداي-اق 40 ەلدەن باقىلاۋشىلار، ونىڭ ىشىندە و س ك ءتوراعاسى قۋاندىق تۇرعانۇلوۆ باستاپ قازاقستاندىقتار بار.