09:55, 21 - جەلتوقسان 2014 | GMT +5
جاپون عالىمدارى ادام ءومىرىن ۇزارتاتىن ازىقتى اتادى
استانا. قازاقپارات - جاپونيا دەنساۋلىق ساقتاۋ جانە تاعامتانۋ ۇلتتىق ينستيتۋتىنىڭ ماماندارى بالىقتان جاسالاتىن تاعامداردى ادام ءومىرىن ۇزارتۋعا سەبەپ بولاتىن بىردەن ءبىر ازىق دەپ اتادى. بۇل تۋرالى ر ب ك سايتى جازادى.
مامانداردىڭ ايتۋىنشا، بالىق ونىمدەرى - ادام دەنساۋلىعىنا جانە كوڭىل كۇيدىڭ جاقسى بولۋىنا اسەرى مول، پايدالى ازىق.
مۇنى دالەلدەۋ ءۇشىن عالىمدار ەگدە جاستاعى 100 ەر مەن ايەلدى ارنايى تاجىريبە جۇمىستارىنا قاتىستىرعان. ولاردىڭ بارلىعى سالاۋاتتى ءومىر سالتىن ۇستاناتىندىقتارى جانە كۇندەلىكتى تۇتىناتىن ازىق-تۇلىكتەرى تۋرالى دايىندالعان سۇراقتارعا جاۋاپ بەرگەن.
ارنايى سىناق ناتيجەسى بويىنشا ولاردىڭ ىشىندە 40 پايىزى بالىق ونىمدەرىن تۇتىناتىنىن ايتقان. باقىلاي كەلە سول ادامداردىڭ پسيحيكالىق جانە فيزيكالىق تۇرعىدا تۇراقتى ءارى، مىقتىلىعى انىقتالعان. قورتىندىسىندا، ماماندار اقۋىزدىڭ ادام ءومىرىنىڭ ۇزارۋىنا سەبەپ بولىپ، ادام اعزاسىنا قۋات بەرەتىنىنە تاعى ءبىر مارتە كوز جەتكىزگەن.
