09:39, 21 - جەلتوقسان 2014 | GMT +5
قۇرمەت قاراۋىل روتاسى - ق ر قارۋلى كۇشتەرىنىڭ ماقتانىشى - فوتو
استانا. قازاقپارات - ق ر قورعانىس مينيسترلىگىنىڭ قۇرمەت قاراۋىلى روتاسى، ول - تاڭداۋلى بولىمشە، ءارى قازاقستان رەسپۋبليكاسى قارۋلى كۇشتەرىنىڭ ماڭداي الدى ماقتانىشى.
ق ر قورعانىس مينيسترلىگى باسپا ءسوز قىزمەتىنىڭ حابارلاۋىنشا، بۇل بولىمشەنىڭ اسكەري قىزمەتشىلەرى ءتۇرلى سالتاناتتى راسىمدەرگە قاتىسىپ، مەملەكەتتىك تۋ مەن ەلتاڭبانىڭ ەتالوندارى جانىندا قۇرمەت قاراۋىلىن اتقارادى، ەرەكشە ماڭىزدى مەملەكەتتىك نىسانداردى كۇزەتەدى، ال توتەنشە جاعدايدا ءتيىستى زاڭمەن بەلگىلەنگەن ءىس-شارالارعا قاتىسادى.
ق ر قورعانىس مينيسترلىگىنىڭ قۇرمەت قاراۋىلى روتاسى 9- مامىردا ماسكەۋدە وتكەن جەڭىس پارادىنا قاتىستى. ماسكەۋ كرەملىنىڭ كومەنداتۋراسى قازاقستاندىق پارادتىق ەسەپ توپتىڭ دايىندىعىن ەڭ ۇزدىكتەردىڭ ءبىرى رەتىندە جوعارى باعالادى.
