قىزمەتتە تابىستى بولۋ ءۇشىن دە جاقسى مىنەز قاجەت - عىلىمي زەرتتەۋ
پسيحولوگتار تۇراقتى، اشىق، جايدارى، كەشىرىمشىل سياقتى ادامي قاسيەتتەردى باسشىلىققا الا وتىرىپ، بىرنەشە ستۋدەنتتىڭ ۇلگەرىمىن زەرتتەگەن.
زەرتتەۋ ناتيجەسى كورسەتكەندەي، ستۋدەنتتىڭ مىنەزىنە قاراپ، ونىڭ ساباق ۇلگەرىمى مەن ينتەللەكتۋالدىق دەڭگەيى انىقتالعان. سىناق بولجامدارى ءدال شىققان. ەگەر دوستارى مەن ونىڭ ارالاساتىن ادامدارى ءبىر ستۋدەنتتى جاقسى مىنەزدى دەپ كورسەتسە، ونىڭ ساباق ۇلگەرىمى مەن ءبىلىم دەڭگەيى سوعان ساي بولىپ شىققان. اسىرەسە، ادامنىڭ جەتىستىككە جەتۋىنە، ارلى، ۇياتتى مىنەزى مەن اشىق، جايدارىلىعى كوپ اسەر ەتەدى.
بۇعان دەيىنگى زەرتتەۋلەردە ءوزىن اقىلدىمىن دەپ سانايتىن ستۋدەنتتەردىڭ كەرىسىنشە، كەرى كەتىپ، بارا-بارا سالاقسىپ كەتەتىنى انىقتالعان. ال، ءوزىن قاراپايىم ەڭبەكقور رەتىندە سانايتىن ادامنىڭ جەتىستىكتەرى ءۇستى-ۇستىنە قوسىلا بەرگەن. قورتىندىسىندا عالىمدار، ينتەللەكتۋالدىق تانىمنان گورى ادام جاقسى، كوركەم مىنەزگە ۇيرەنىپ، ءوزىن تاربيەلەۋى كەرەكتىگىن ەسكەرتەدى.
