04:46, 21 - جەلتوقسان 2014 | GMT +5
ۋكراينا پرەزيدەنتى پوروشەنكو حالقارالىق ۆاليۋتا قورىنان قوسىمشا قارجىلاي كومەك سۇرادى
استانا. قازاقپارات - ۋكراينا پرەزيدەنتى پەتر پوروشەنكو مەن ح ۆ ق ديرەكتورى كريستين لاگارد ەلدەگى ەكونوميكالىق احۋالدى جانە تاراپتاردىڭ Stand-By ح ۆ ق باعدارلاماسىنىڭ شەڭبەرىندە مىندەتتەمەلەردى ورىنداۋ بارىسىن تالقىلادى، دەپ حابارلادى ينتەرفاكس مەملەكەت باسشىسىنىڭ باسپا ءسوز قىزمەتىنە سىلتەمە جاساپ.
«پەتر پوروشەنكو كريستين لاگاردقا ۋكراينانىڭ حالىقارالىق ۆاليۋتا قورىنىڭ الدىنداعى مىندەتتەمەلەرىنىڭ ورىندالۋىنداعى جۇيەلىلىكتى مالىمدەدى. پرەزيدەنت ح ۆ ق-نى ۋكراينا ءۇشىن قارجىلاي كومەكتى ۇلعايتۋدى قاراستىرۋعا شاقىردى»، - دەلىنگەن حابارلامادا.
ءوز كەزەگىندە لاگارد ۋكرايناعا قولداۋ كورسەتىپ، جاڭا ۇكىمەتتىڭ پارلامەنتتىك كواليتسياسىنىڭ قۇرىلۋىنا وڭ باعا بەردى. «بۇل ۋكراينادا رەفورمالاردى جۇزەگە اسىرۋعا جانە قارجى- ەكونوميكالىق جاعدايدى تۇراقتاندىرۋعا ىقپال ەتەتىن بولادى»، - دەپ اتاپ ءوتتى ول.
