كوممۋنالدىق قىزمەتتەر ايتارلىقتاي قىمباتتامايدى
بۇل تۋرالى بۇگىن ق ر پرەزيدەنتى جانىنداعى ورتالىق كوممۋنيكاتسيالار قىزمەتىندە وتكەن بريفينگتە ق ر ۇلتتىق ەكونوميكا ءبىرىنشى ۆيتسە-ءمينيسترى مارات قۇسايىنوۆ ءمالىم ەتتى.
«باعدارلاما 2020 - جىلعا دەيىنگى مەرزىمگە ەسەپتەلگەن. وندا 1,2-دەن 1,4 پايىزدىق شەككە دەيىنگى ارالىقتا ينفلياتسيا ۇلەسى اياسىندا حالىق ءۇشىن تاريفتەردىڭ اقىلعا سىيىمدى، بىرتىندەپ ءوسۋى قاراستىرىلعان»، - دەدى ول ب ا ق وكىلدەرىنىڭ ساۋالىنا وراي.
ونىڭ ايتۋىنشا، جوعارىدا اتالعان ينفلياتسيا ءدالىزى قولدانىستا ءارى سوڭعى 2 جىل ىشىندە ەش وزگەرىسكە ۇشىراماعان.
«ياعني، ءبىز وسى ءدالىز اياسىندا جۇمىس ىستەيتىن بولامىز. وسىعان بايلانىستى حالىق ءۇشىن كوممۋنالدىق قىزمەتتەرگە ارنالعان تۇبىرتەكتەرگە تولەم جاساۋدا ايتارلىقتاي ءوسىم بولايدى»، - دەدى ءبىرىنشى ۆيتسە- مينيستر.
ايتا كەتەيىك، كەشە قر ۇكىمەتى 2020 - جىلعا دەيىنگى تابيعي مونوپوليالار سالالارىنداعى تاريفتىك ساياسات جونىندەگى باعدارلامانى قابىلداعان بولاتىن.
اۆتور: مارلان جيەمباي
