ايتىسكەر اقىن گۇلنۇر ورازباي قىزىنىڭ «قاھارمان قايرات» اتتى جىر جيناعى جارىق كوردى
كىتاپ الماتى وبلىسى اكىمىنىڭ قولداۋىمەن، "مادەني مۇرا" باعدارلاماسى اياسىندا جارىق كورىپ وتىر.
بۇل - جىرسۇيەر قاۋىمعا ايتىسكەر اقىن رەتىندە جاقسى تانىس گۇلنۇر ورازباي قىزىنىڭ تۇڭعىش جيناعى.
كىتاپقا اقىننىڭ "جەلتوقسان" قوزعالىسىن ارقاۋ ەتكەن "قاھارمان قايرات" اتتى كولەمدى داستانى، تۋعان جەر تابيعاتى، اقىن جانىنان قالقىپ الىنعان قايماقتاي قازاقى بولمىستىڭ ءيسى اڭقىعان وزگە دە جىرلارى ەنىپ وتىر.
ت. ايبەرگەنوۆ اتىنداعى سىيلىقتىڭ يەگەرى، قازاقستان جازۋشىلار وداعىنىڭ مۇشەسى، بەلگىلى اقىن نۇرحان سۇلتانباي جىر جيناعىنىڭ تۇساۋىن كەسىپ، كىتاپ جايىنداعى پىكىرىن ءبىلدىردى.
الىنباس قامالداي بولعان كەڭەس ۇكىمەتىنىڭ ىرگەسىن شايقاپ، "قايرات دەگەن اتىم بار، قازاق دەگەن زاتىم بار" دەپ قاسقايىپ تۇرعان باتىر ۇلدىڭ ەرلىگى كۇللى قازاق جاستارىنا ۇلگى! بويىمىزعا دارىتا الساق ەكەن! وعان وسىنداي جىر- داستانداردىڭ تيگىزەر سەپتىگى ۇشان- تەڭىز!
بەيسەن سۇلتان ۇلى
