ۇلتتىق سىيلىق - «حالىقتىڭ سۇيىكتىسى» جەڭىمپازدارى انىقتالدى

استانا. قازاقپارات - «حالىقتىڭ سۇيىكتىسى» اتالاتىن ۇلتتىق سىيلىقتىڭ جەڭىمپازدارى بەلگىلى بولدى.

بيىل كوپتىڭ كوڭىلىنەن شىققان ازاماتتار 21 اتالىم بويىنشا ماراپاتتالدى.

ولاردىڭ بارلىعىنا باعالى تاستارمەن بەزەندىرىلگەن مۇسىندەر تابىستالىپ، ەرەكشە قوشەمەت كورسەتىلدى.

بايقاۋدا ۇلتتىق سىيلىق نوميناتسيالارى جىلدان-جىلعا كوبەيىپ كەلەدى. ولاردىڭ قاتارىندا «جالىندى ينتەرنەت- باسىلىم»، «باتىل پۋبليتسيست»، «تاپقىر تەلەجۋرناليست»، «كورىپكەل ساياساتتانۋشى» دەگەن اتالىمدار بار.

كوممەرسيالىق ەمەس جۇلدە بيىل 4-رەت بەرىلىپ وتىر. ۇزدىكتەر انىقتالاتىن كەزدە، الەۋمەتتىك جەلى قولدانۋشىلارىنىڭ ۇسىنىسىنا باسىمدىق بەرىلەدى ەكەن. ۇيىمداستىرۋشىلاردىڭ ايتۋىنشا، بۇل جولى وتكەن جىلعى جۇلدەگەرلەر قاتىستىرىلماعان.

عالىم بايتوق، «رەسپۋبليكا- رەگيون- رازۆيتيە» قورىنىڭ پرەزيدەنتى:

- «حالىقتىڭ سۇيىكتىسى» ۇلتتىق سىيلىعىن الۋشىلاردىڭ قاتارى جىل ساناپ ارتىپ كەلەدى. ءبىز بۇل جەردە قاراپايىم دارىگەردەن باستاپ حالىققالاۋلىلارىنا دەيىن ەسكەرەمىز. باستىسى، ەل ازاماتتارى حالىق سۇيىكتىسىن وزدەرى تاڭدايدى جانە بۇل يگى ءۇردىس ساناۋلى جىلداردان كەيىن «وسكارمەن» تەڭ بولادى دەپ ايتۋعا بولادى.

24.kz