شىنى شىڭداپ، اينەككە ويۋ ويعان «قازاق شىنى قۇرىلىس» زاۋىتى
الاتاۋ اۋدانىنداعى يندۋستريالىق ايماققا جاڭا زاۋىت سالىنباق.
قۇرىلىسقا قاجەت كوپقاباتتى اينەكتەردى وڭدەپ، دايىندايتىن «قازاق شىنى قۇرىلىس» زاۋىتى تولىعىمەن الەمدىك ستاندارتقا ساي جابدىقتالعان. ءوندىرىستىڭ جولعا قويىلۋىنا مەملەكەتتىك باعدارلامالار مۇمكىندىك بەردى.
«استانا - جاڭا قالا» ارنايى ەكونوميكالىق ايماعىندا بوي كوتەرگەن ەكىنشى زاۋىت سالىقتان بوساتىلعان. بۇل دا ءوندىرىستىڭ قارقىن الۋىنا سەپ بولعانىن العا تارتادى كاسىپورىن باسشىلىعى.
مۇراتحان توقمادي، زاۋىت ديرەكتورى:
- مەملەكەتتىك باعدارلامامىز وتاندىق ءونىمدى ۇلعايتۋعا، ونىڭ دامۋىنا ۇلكەن ۇلەسىن قوسىپ وتىر. ءۇش رەت گرانت ۇتىپ الدىق. جاڭا ماشينالار جۇمىس ىستەپ جاتىر. تاعى ءبىر ايتا كەتەرلىگى، «دامۋ ءوندىرىس» باعدارلاماسى اياسىندا نەسيەنى بانكتەگىدەي %13 بەن ەمەس، %7 بەن الامىز.
ساپالى ءونىم شىعارۋ وندىرىسكە ەنگىزىلگەن يننوۆاتسيالىق تەحنولوگيالار ارقاسىندا مۇمكىن بولدى. ماسەلەن، 650-700 گرادۋس ىستىقتا دايىندالاتىن شىنىلار ءجاي شىنىدان 6-7 ەسە مىقتى. بۇل اينەكتەر قىستا جىلۋدى ۇزاق ۇستاپ تۇرادى، ال جازدا ىستىقتى عيمارات ىشىنە وتكىزبەيدى.
مۇراتحان توقمادي، زاۋىت ديرەكتورى:
- كەلەسى جىلى تاعى ءبىر جاڭا جوبا باستايىق دەپ وتىرمىز. ول ەكى ەسەگە ۇلكەن، ياعني اۋماعى 15 مىڭ شارشى مەتر. زاۋىتىمىزدى سوندا كوشىرەمىز.
بىلىكتى مامانسىز ءوندىرىستى وركەندەتۋ مۇمكىن ەمەس. سوندىقتان زاۋىت باسشىلىعى «قولجەتىمدى باسپانا» باعدارلاماسى بويىنشا سالىناتىن تۇرعىن ۇيلەرگە ۇلەسكەر رەتىندە قارجى سالىپ، جۇمىسشىلاردىڭ باسپانا ماسەلەسىن شەشپەك.
مۇراتحان توقمادي، زاۋىت ديرەكتورى:
- «قولجەتىمدى باسپانا» باعدارلاما بويىنشا 110 مىڭ شارشى مەترگە ۇيلەر سالىنادى. ونىڭ جارتىسى قالا تۇرعىندارىنا بەرىلسە، ال قالعانىكومپانيامىزدا 10 جىل ىستەپ كەلە جاتقان جۇمىسشىلارىمىزعا بەرۋگە تىرىسامىز.
جۇرتتى جۇمىسپەن قامتىپ، جىلىنا 350 مىڭ شارشى مەتر دايىن ءونىم شىعارىپ وتىرعان كاسىپورىن استانادا 2017 - جىلى وتەتىن EXPO كورەمەسىنىڭ عيماراتتارىن اينەكپەن قامتاماسىز ەتۋدى ءوز جاۋاپكەرشىلىكتەرىنە العان.
24.kz
