بەلارۋس پرەزيدەنتى رەسەيمەن دوللار نەمەسە ەۋرو ۆاليۋتاسىندا ەسەپتەسۋدى تالاپ ەتتى
«سوڭعى كەزدەرى «رەسەي رۋبلى قۇلدىراپ، ءبىز شىعىنعا ۇشىرادىق، ويتكەنى ءبىزدىڭ ەكسپورتتىڭ 40 پايىزى سوندا» دەگەن سوزدەردى ءجيى ەستيمىن، - دەيدى بەلارۋس پرەزيدەنتى. - مۇنداي جاعدايدا ەكى سەرىكتەسىمىز - رەسەي مەن ۋكراينادا وسىنداي ماسەلەلەر تۋىنداعاندىقتان، امالىمىز قانشا؟ الايدا ءار ماسەلەنىڭ ءوز شەشىمى بار. ءبىر جەردە شىعىندانساق، پايدانى وزگە جەردەن ىزدەستىرۋ كەرەك».
ماسەلەن، وزىندىك قۇندى قىسقارتۋدان، دەدى ا. لۋكاشەنكو.
«جاعدايىمىز جاقسى بولىپ تۇرعاندا، الداعى ۋاقىتتا دا سولاي بولادى دەپ ويلايمىز. ەڭبەكتەنۋىمىز كەرەك. ۇكىمەتتە كۇن سايىن ماعان ازىق- تۇلىككە قاتىستى بايانداما جاسايدى. رەسەيلىك تۇتىنۋشىلاردىڭ رۋبلمەن تولەم جاساۋى بويىنشا تۋىنداعان ماسەلە جوق. ءبىر دوللاردىڭ رۋبلگە شاققانداعى قۇنى 70 كە دەيىن قۇلدىرادى. ءبىز وسى باعانى كەپىلگە سالدىق. الدىن- الا تولەم بويىنشا جۇمىس ىستەيمىز، سوندىقتان وسىلاي بولاتىنى زاڭدى» .
«ماسەلەن، ءبىز ەنەرگيا رەسۋرستارى ءۇشىن رەسەيگە رۋبلمەن ەمەس، دوللارمەن تولەيمىز. بۇل رەسەي ۇكىمەتىنىڭ جۇمىسىنداعى كەمشىلىك - بۇرىننان ولاردان دوللار نەمەسە ەۋرو ۆاليۋتاسىندا تولەم جاساۋدى تالاپ ەتۋ كەرەك ەدى. ۇكىمەت بۇل العا جىلجىعانىن ايتتى. ءبىزدىڭ ءونىمدى رەسەيدە ساتىپ الاتىندار دوللار ۆاليۋتاسىندا تولەيتىن بولدى. ەگەر رۋبلمەن ەسەپ ايىرىساتىن بولسا، بۇگىنگى كۇننىڭ، سول ساعاتتاعى باعامدى نازارعا الا وتىرا تولەيدى»، - دەپ اتاپ ءوتتى بەلارۋس پرەزيدەنتى.
