قىزىلوردا وبلىسىنىڭ اكىمى لوندون قالاسىندا ينفراقۇرىلىمدىق جوبالار بويىنشا كەلىسىمگە قول قويدى - فوتو
دەپ حابارلادى ق ر س ءى م باسپا ءسوز قىزمەتى.
ساپاردىڭ ماقساتى - ەۋروپالىق قايتا قۇرۋ جانە دامۋ بانكىمەن (ە ق د ب) جالپى قۇنى 70 ميلليون ا ق ش دوللارىن قۇرايتىن 4 ينفراقۇرىلىمدىق جوبا، اتاپ ايتقاندا، قىزىلوردا قالاسىن سۋمەن قامتاماسىز ەتۋ جانە سۋدى ءبولۋ، جىلۋمەن قامتاماسىز ەتۋ، ەلەكتر جەلىسىن ۇيلەستىرۋ، كوشەلەردى جارىقتاندىرۋ جۇيەسى بويىنشا كەلىسىمدەرگە قول قويۋ.
قازىرگى تاڭدا قىزىلوردا قالاسى بانكپەن بىرلەسىپ حالىق مۇقتاجدارى ەسكەرىلگەن جانە مۇگەدەكتەرگە ىڭعايلى ەكولوگيالىق جانارمايمەن جۇرەتىن 120 اۆتوبۋستىڭ ساتىلىپ الۋىن كوزدەيتىن قالانىڭ بۇقارالىق كولىك قوزعالىسىن ۇيىمداستىرۋ بويىنشا جوبانى ىسكە اسىرۋدا. اتالمىش جوباعا ە ق د ب 18 ميلليون ا ق ش دوللارىن بولگەن. بانك، سونىمەن بىرگە، قالاداعى قاتتى تۇرمىستىق قالدىقتاردىڭ كادەگە جاراتىلۋى بويىنشا جوباعا 15 ميلليون ا ق ش دوللارىن بولەدى دەپ جوسپارلانۋدا. بارلىعى ە ق د ب قىزىلوردا وبلىسىندا 8 جوبانى جۇزەگە اسىرۋدا.
ە ق د ب قازاقستاندا 20 جىلدان استام ۋاقىت بويى قىزمەت ەتۋدە. اتالمىش كەزەڭدە بانك ەل ەكونوميكاسىنا ترانسپورت، تۇرعىن ءۇي شارۋاشىلىعى، جەكە كاسىپكەرلىك، كىشى جانە ورتا بيزنەس سالاسىنداعى 170 جوباعا 6,5 ميلليارد ا ق ش دوللارىن ينۆەستيتسيالاعان.
بانك 1991 - جىلى ورتالىق جانە شىعىس ەۋروپا، مونعوليانىڭ نارىقتىق ەكونوميكاعا ءوتۋ كەزەڭىندەگى جوبالاردى قارجىلاي قولداۋ ماقساتىندا قۇرىلعان. ە ق د ب اكتسيونەرلەرى 24 ەل جانە 2 ۇكىمەت ارالىق ۇيىم بولىپ تابىلادى (ەۋروپالىق وداق جانە ەۋروپالىق ينۆەستتسيالىق بانك) . 1991 - جىلدان بەرى بانك 86 ميلليارد ەۋرو كولەمىندەگى 3996 جوبانى ىسكە اسىرعان. بانكتىڭ جارعىلىق كاپيتالى 30 ميلليارد ەۋرونى قۇرايدى.
