قوستانايدا وتشاشۋدان ەكى جاسوسپىرىم زارداپ شەكتى

قوستاناي. قازاقپارات - قوستانايدا وبلىستىق بالالار اۋرۋحاناسىنىڭ جاراقاتتاردى ەمدەۋ پۋنكتىنە دەنەلەرىن ءتۇرلى دارەجەدەگى كۇيىك شالعان ەكى جەتكىنشەك كەلىپ ءتۇستى.

 ولار تەحنيكالىق قاۋىپسىزدىك شارالارىن ساقتاماي پايدالانۋ سالدارىنان وتشاشۋدىڭ (فەيەرۆەرك) جارىلۋىنان زارداپ شەككەن. جاسوسپىرىمدەرگە مەديتسينالىق كومەك كورسەتىلدى. ولاردىڭ قولدارى مەن بەت تەرىلەرى زاقىمدانعان، دەپ حابارلادى اۋرۋحانادان.

 قوستاناي وبلىستىق ت ج د وسى وقيعاعا بايلانىستى جانە الداعى جاڭا جىل مەرەكەلەرى قارساڭىندا ەسكەرتۋ جاسادى.

«پيروتەحنيكالىق زاتتاردى ساتىپ الۋ كەزىندە مۇقيات بولۋلارىڭىزدى سۇرايمىز، - دەدى ت ج د باس مامانى اسەل بۇجۇموۆا. - پەتاردالار مەن فەيەرۆەركتەر، بەنگال وتتارىندا ءتيىستى سەرتيفيكاتتار بولۋى ءتيىس. وندا شىعارىلعان كۇنى مەن جارامدىلىق مەرزىمى كورسەتىلەدى. ساپاسىز نەمەسە قولدانۋ مەرزىمى ءوتىپ كەتكەن مۇنداي وتشاشۋلاردى پايدالانۋ قايعىلى وقيعاعا اكەپ سوقتىرۋى مۇمكىن» .