ەلباسى «تاۋەلسىزدىك تولعاۋىندا» تۇعىرىنا بەكەم ورنىققان تاۋەلسىزدىككە ەل ازاماتتارىنىڭ ورتاق ۇلەسى تىرەك بولعانىن ايتتى - وڭايگۇل تۇرجان
بۇل پىكىردى ل. ن. گۋميليەۆ اتىنداعى ە ۇ ۋ دوتسەنتى، فيلولوگيا عىلىمدارىنىڭ كانديداتى وڭايگۇل تۇرجان ءبىلدىردى.
«نۇرسۇلتان ءابىش ۇلى «تاۋەلسىزدىك تولعاۋىندا» تۇعىرىنا بەكەم ورنىققان تاۋەلسىزدىككە ەل ازاماتتارىنىڭ ورتاق ۇلەسى تىرەك بولعانىن، عىلىم قۋىپ، ءبىلىم ىزدەگەن وقۋشىلار مەن ستۋدەنتتەر ەڭبەگى، ەلىمىزدىڭ ۇلتتىق بايلىعىن ەسەلەي تۇسەتىن بارشا ماماندىق يەلەرىنىڭ ەڭبەگى ەكەنىن ەسكە سالادى. ءاربىر جاس بۋىننىڭ جۇرەگىنە وتانعا دەگەن شەكسىز سۇيىسپەنشىلىك دارىتاتىن قازاقستاندىقتاردىڭ ەڭبەگى دە ەلەۋلى رول اتقارادى، - دەيدى ەلباسى. ءبىزدىڭ ماڭگىلىك ەل مۇراتىمىز تاۋەلسىزدىكتىڭ ومىرلىك فيلوسوفياسى بولىپ الىس بولاشاققا باعدارىمىزدى ايقىنداي تۇسپەك. قازاق ەلىنىڭ جاڭا بيىكتەردى باعىندىرىپ، وتانىمىزدىڭ كوك بايراعىن زامانا كوشىنىڭ جەڭىستى بەلەستەرىندە اسقاقتاتا جەلبىرەتە بەرەتىنىمىزدى نىق سەنىممەن جاريا ەتتى. سونداي- اق، ەلباسى بۇگىنگى تۇعىرلى تاۋەلسىزدىگىمىزدىڭ باياندى جولىن، جەمىستى تاريحىن، قارقىندى دامۋ ءۇردىسىن جاس بۋىننىڭ ءارى قاراي جالعاستىراتىنىن، قازىرگى جاسالىپ جاتقان يگىلىكتى ىستەرىمىز بولاشاق ۇرپاقتىڭ جايلى ءومىرىن قامتاماسىز ەتۋگە نەگىز بولاتىندىعىن العا تارتادى. ەلباسىنىڭ «تاۋەلسىزدىك تولعاۋىندا» ايتىلعان ويلارى مەن يدەيالارىن مەكتەپ وقۋشىلارى مەن ج و و ستۋدەنتتەرىنىڭ وقۋ باعدارلامالارىنا قوسۋ قاجەت دەپ سانايمىن»، - دەپ اتاپ ءوتتى وڭايگۇل تۇرجان.
