تاۋەلسىزدىك تولعاۋى: پاريجدە قازاقستاننىڭ تاۋەلسىزدىگى كۇنى اتالىپ ءوتتى
قازاقستاندىقتاردى ۇلتتىق مەرەكەسىمەن كورنەكتى ساياسي جانە قوعام قايراتكەرلەرى، عىلىم مەن مادەنيەت، بيزنەس، ديپلوماتيالىق كورپۋستىڭ جانە حالىقارالىق ۇيىمداردىڭ (يۋنەسكو، حالىقارالىق كورمەلەر بيۋروسى، ە ى د ۇ جانە باسقالار) ، سونداي- اق ب ا ق وكىلدەرى، قازاق دياسپوراسى مەن ستۋدەنتتەر قۇتتىقتاپ كەلدى.
جينالعانداردىڭ الدىندا قازاقستاننىڭ ەلشىسى نۇرلان دانەنوۆ قۇتتىقتاۋ ءسوز سويلەدى. ءوز سوزىندە ول ەكى ەل اراسىنداعى ستراتەگيالىق ارىپتەستىكتىڭ تۇراقتىلىعى مەن سەنىمدىلىگىنىڭ قارقىندىلىعىن اتاپ ءوتتى جانە ونى دامىتۋدا مەملەكەت باسشىسى نۇرسۇلتان نازاربايەۆتىڭ «نۇرلى جول - بولاشاققا باستار جول» جولداۋىنداعى بەلگىلەنگەن باعدارلاردى ەسكەرە وتىرىپ، جاڭا پەرسپەكتيۆالاردى بەلگىلەدى. ءسوز كەزىندە فرانتسيا پرەزيدەنتى فرانسۋا وللاندتىڭ ءبىزدىڭ ەلىمىزگە ساپارىنىڭ قورىتىندىسىنا ەرەكشە كوڭىل اۋدارىلدى.
سالتاناتتى قابىلداۋ شەڭبەرىندە د. نۇرپەيىسوۆا اتىنداعى حالىق اسپاپتارى اكادەميالىق وركەسترىنىڭ قويىلىمى ۇيىمداستىرىلدى. جاقىندا وركەستر يۋنەسكو قابىرعاسىندا، ال ونىڭ الدىندا 14 - جەلتوقساندا فونتەنبلو قالالىق تەاترىندا ۇزدىك ونەر كورسەتتى. بۇل فرانتسياداعى قازاقستان ماۋسىمىنىڭ قورىتىندى قويىلىمى بولدى دەپ ايتۋعا بولادى.
قابىلداۋ زالىندا كيىز ءۇي مودەلى ورناتىلىپ، شاقىرىلعان قوناقتارعا ۇلتتىق تاعامداردان، سونداي- اق ەۋروپادا ەمدىك قاسيەتتەرى بەلگىلى قىمىزدان ءدام تاتۋعا مۇمكىندىك بەرىلدى.
كەشكە كەلگەن قوناقتار ەلىمىزگە ساتتىلىك پەن وركەندەۋدى تىلەپ، بارشا قازاقستاندىقتاردى مەرەكەمەن قۇتتىقتادى. قابىلداۋ بارىسىندا مەملەكەت باسشىسى نۇرسۇلتان نازاربايەۆتىڭ باسشىلىعىمەن قازاقستاننىڭ جەتىستىكتەرى تۋرالى فرانتسۋز رەجيسسەرى رەجيس گەزەلباشتىڭ «ArtArai» دەرەكتى فيلمنىڭ كورسەتىلىمى ۇيىمداستىرىلدى. ر. گەزەلباش تولەرانتتى جانە بەيبىت قوعامدى قۇرۋداعى قازاقستاننىڭ تابىسىن اتاپ ءوتتى.
مەرەكەگە وراي كينورەجيسسەر يگور ۆوۆنيانكو پاريجگە ءبىزدىڭ ەلىمىزدىڭ عاجايىپ كورىنىستەرى بەينەلەنگەن بىرەگەي فوتوسۋرەتتەردى كورسەتۋ ءۇشىن الىپ كەلدى.
سەناتتىڭ «فرانتسيا- ورتالىق ازيا» دوستاستىق توبىنىڭ مۇشەسى، ە ق ى ۇ- نىڭ پارلامەنتتىك اسسامبلەياسىنىڭ ۆيتسە- پرەزيدەنتى، سەناتور الەن نەري ساياسي جانە ەكونوميكالىق تۇراقتىلىق ەلەمەنتى بولىپ تابىلاتىن قازاقستاننىڭ يندۋستريالىق دامۋ سەرپىندىلىگىن اتاپ ءوتتى.
