ءبىر ۇيدەن سەگىز بالانىڭ ءولى دەنەسى تابىلدى
جەرگىلىكتى ب ا ق مالىمەتتەرى بويىنشا، ميۋررەي-ستريت كوشەسىندەگى ۇيدەن تابىلعان سەگىز بالا سۋىق قارۋمەن ولتىرىلگەن. بالالاردىڭ جاسى - 1,5 مەن 15 ارالىعىندا. ول ۇيدەن بالالاردان باسقا پىشاقتالعان ايەل ادام دا تابىلدى، ول قازىر اۋرۋحانادا. وقيعا ورنىندا كوپتەگەن پوليتسيا قىزمەتكەرلەرى جۇمىس ىستەپ جاتىر. ازىرشە بۇعان قاتىستى ەش مالىمدەمە بەرگەن جوق.
ەسكە سالا كەتەيىك، كەرنستەگى بۇل وقيعا ەلدەگى راديكال يسلامشىلارمەن شيەلەنىسكەن جاعدايعا بايلانىستى بولۋى مۇمكىن. وتكەن سارسەنبىدە يران ازاماتى اۆستراليانىڭ ەڭ ءىرى مەگاپوليسى سانالاتىن سيدنەيدەگى ورتالىق بانك عيماراتىنىڭ ماڭىنداعى Lindt كافە-دۇكەنىنىڭ 17 كەلۋشىسى مەن قىزمەتكەرلەرىن تۇتقىنعا العان بولاتىن. ول كەپىلگە الىنعانداردى تەرەزەلەرگە اراب تىلىندە جازۋى بار ماتالاردى جانە «يسلام مەملەكەتىنىڭ» تۋىن ىلۋگە ماجبۇرلەدى. 16 ساعاتتان كەيىن پوليتسيا كافەگە شابۋىل جاسادى. سوڭعى مالىمەتتەرگە سۇيەنسەك، بۇل وقيعا كەزىندە ءۇش ادام ءولىپ، التى ادام اۋرۋحاناعا تۇسكەن. قازا بولعانداردىڭ بىرەۋى - ادامداردى كەپىلگە العان قاسكۇنەم.
