08:35, 19 - جەلتوقسان 2014 | GMT +5
دۇعامىز نەگە قابىل بولمايدى؟
استانا. قازاقپارات - ءبىر اۋىلدا دۇعاسى ەكى ەتىلمەي قابىل بولاتىن ءبىر ادام بار ەكەن. دۇعالارى قابىل بولمايتىن ءبىر توپ ادام الگى ادامنىڭ الدىنان شىعىپ، مۇنىڭ سىرى مەن جاي-جاپسارىن سۇرايدى.
دۇعاسى قابىل بولاتىن ادام ءبىر توپ ادامنان: «ءدال قازىر سەندەر تانىمايتىن ءبىر ادام كەلىپ قارىزعا اقشا سۇراسا بەرەر مە ەدىڭدەر؟» - دەپ سۇرايدى.
ولار ءبىراۋىزدان:
- تانىمايتىن ادامعا قالاي قارىز بەرەمىز، - دەيدى.
جارايدى، ەگەر مەن سۇراسام بەرەر مە ەدىڭدەر؟ - دەپ تاعى سۇراقتىڭ استىنا الادى. سەن سۇراساڭ، ارينە، بەرەمىز، - دەيدى. ولاردان نە ءۇشىن بەرەتىندىكتەرىنىڭ سەبەبىن سۇراعاندا، بىلاي جاۋاپ قايىرادى:
- ءبىز سەنى جاقسى تانيمىز. سەن سوزىڭدە تۇراسىڭ، وتىرىك ايتپايسىڭ، شىنشىلسىڭ. سەن ءاردايىم جاقسىلىق ىستەيسىڭ، - دەيدى. سوندا الگى ادام:
مىنە، اللا تاعالا دا ءدال سولاي. ءوزىن جاقسى تانيتىن، وزىنە بەرىك سەنەتىن، ءاردايىم ونى ەسكە الاتىن، قۇلدىق مىندەتىن قولىنان كەلگەنشە دۇرىس اتقاراتىن ادامداردىڭ دۇعاسىن قابىل ەتەدى، - دەگەن ەكەن.
ummet.kz
