كاتار ەلشىلىگى استانادا ۇلتتىق تاۋەلسىزدىك كۇنىن اتاپ ءوتتى - فوتو

استانا. قازاقپارات - كاتاردىڭ ۇلتتىق كۇنىنە (تاۋەلسىزدىك كۇنى) وراي استانادا «حيلتون» قوناقۇيىندە سالتاناتتى قابىلداۋ بولدى.

شارا باسىندا كاتار ەلشىسى ابدۋللا احمەد ال-مۋتاۆا ءوز ەلىنىڭ قىسقاشا تاريحىنا توقتالدى جانە كاتار-قازاقستان قارىم-قاتىناسىنىڭ باستى باعىتتارىنا توقتالدى. ءوز كەزەگىندە ق ر سىرتقى ىستەر ۆيتسە-ءمينيسترى اسقار مۋسينوۆ كاتاردىڭ اتاۋلى مەرەكەسىمەن قۇتتىقتاپ، ەكى ەل اراسىنداعى ەلەۋلى جەتىستىكتەرگە توقتالدى. سونىمەن قاتار مەملەكەتتەردىڭ ءوزارا تۇسىنىستىك پەن سەنىمدىلىك قاعيداتتارى اياسىندا دامىپ جاتقاندىعىن اتاپ كورسەتتى.

كاتار ەلشىلىگى ۇيىمداستىرعان شاراعا قازاقستانداعى ديپلوماتيالىق ميسسيا باسشىلارى مەن وكىلدەرى، مەملەكەتتىك قىزمەتكەرلەر، قوعام قايراتكەرلەرى مەن قوعامدىق ۇيىم جەتەكشىلەرى قاتىستى.