حالىقارالىق قارجىلىق ۇيىمدار قازاقستان جوبالارىنا قارجى قۇيۋعا نەگە قۇمار؟
جاڭا ەكونوميكالىق ساياساتتىڭ نەگىزى ينفراقۇرىلىمدىق دامۋدىڭ جوسپارى بولادى. ول ءۇ ي ي د م ب-نىڭ جۇزەگە اسىرىلۋىنىڭ ەكىنشى بەسجىلدىعىمەن سايكەس كەلەدى، دەپ اتاپ ءوتتى مەملەكەت باسشىسى.
ونى جۇزەگە اسىرۋعا 100 دەن استام شەتەلدىك كومپانيالار نيەت ءبىلدىرىپ وتىر. جالپى ينۆەستيتسيالىق پورتفەل 6 تريلليون تەڭگەنى قۇرادى، مەملەكەتتىڭ ۇلەسى - 15 پايىز.
ق ر پرەزيدەنتى وڭىرلەردەگى وندىرىستەرگە قوسىمشا ينۆەستيتسيالاردى تارتۋ ماسەلەسىنە نازار اۋداردى. ۇكىمەتكە حالىقارالىق قارجىلىق ۇيىمدارمەن جوبالاردى بىرلەسىپ جۇزەگە اسىرۋدى قامتاماسىز ەتۋ تاپسىرماسى بەرىلدى. جولداۋدا مالىمدەلگەندەي، دۇنيەجۇزىلىك بانك، ازيا دامۋ بانكى، ە ق د ب جانە ي د ب 90 باسىم جوباعا شامامەن 9 ميلليارد دوللار بولۋگە دايىن.
ەسكە سالا كەتەيىك، ن. نازاربايەۆ 2014-جىلدىڭ جازىندا شەتەلدىك ينۆەستورلار كەڭەسىنىڭ پلەنارلىق وتىرىسىندا ينۆەستيتسيالىق الەۋەتى كوبىرەك مەملەكەتتەردىڭ ينۆەستورلارىنا ۆيزاسىز رەجيم ەنگىزۋ تۋرالى جاريالادى. اتالعان شارا بيزنەستىڭ جۇرگىزىلۋى مەن ىسكەرلىك قارىم-قاتىناستى ورناتۋدى جەڭىلدەتەتىن بولادى.
