رۋبلدىڭ قۇلدىراۋىنان دۇكەن سورەلەرى بوساپ قالدى
كورشىلەردىڭ ءتول اقشاسىنىڭ ارزانداۋىتۇتىنۋشىلار اراسىندا دۇربەلەڭ تۋعىزدى.
قازىر بۇل ەلدە ازىق-تۇلىكتەن باستاپ، قىمبات تەحنيكا ساۋداسى قايناپ تۇر.
دۇكەن سورەلەرىن كورشىلەس ەلدەردىڭ تۇرعىندارى دا بوساتۋدا. رەسەي ءرۋبلىنىڭ قۇلدىراۋى ەلدىڭ ساۋدا نارىعىنا ەداۋىر وزگەرىستەر اكەلدى.
قازىر رەسەي دۇكەندەرىندەگى تاۋارلار باستاپقى قۇننان %15 عا دەيىن ارزانداپ كەتتى. وسىعان بايلانىستى تۇتىنۋشىلاردىڭ بەلسەندىلىگى ارتىپ، زاتتاردى جاپپاي ساتىپ الىپ جاتىر. بۇل قولايلى ءساتتى رەسەيمەن كورشىلەس ەلدەردىڭ تۇرعىندارى دا پايدالانۋدا.
ولاردىڭ اراسىندا قازاقستاندىقتار دا بار. قازىر ءتىپتى كەيبىر دۇكەندەر زاتتاردىڭ باعاسىن قايتا بەلگىلەۋ ءۇشىن ۋاقىتشا جابىق تۇر. اۆتوكولىك سالوندارى دا ساۋدانى توقتاتتى.
ەلەنا كورسۋنسيەۆا، ماسكەۋ تۇرعىنى:
- قايدا قاراساڭىز دا، دۇكەنگە قاراي جۇگىرگەن حالىقتى كورەسىز. ءبارى بانكوماتتان جاپپاي اقشاسىن شەشىپ الۋدا. بۇل دۇربەلەڭنىڭ اقىرى قايىرلى بولسا ەكەن دەپ تىلەيمىن.
داريا، ساۋدا مەنەدجەرى:
- قازىردىڭ وزىندە شەتەلدىك تاۋارلار باعاسى %30 عا دەيىن ارتقان. ال ءوزىمىزدىڭ تاۋارلار بولسا، %10 عا قىمباتتادى. بۇل وزگەرىستەردى باستان كەشكەن حالىق ءبىراز ابىگەرگە تۇسۋدە. ال ۇكىمەت باسشىسى دميتريي مەدۆەديەۆ ەلدەگى جەتەكشى كومپانيالار مەن بانك باسشىلارىنىڭ باسىن قوستى.
پرەمەر- مينيستر ءىرى ەكسپورتشىلارعا وزدەرىنىڭ ۆاليۋتالىق كىرىستەرىن ءجىتى قاداعالاۋدى تاپسىردى. سونداي-اق ءاربىر جۇمسالعان تيىننىڭ سۇراۋى بولاتىنىن دا ەسكەرتتى. جانە رۋبلگە قاتىستى تۋىنداعان دۇربەلەڭ تۋرالى بىلاي دەدى.
دميتري مەدۆەدەۆ، رەسەي پرەمەر-ءمينيسترى:
- بۇگىنگى رەسەيلىك ۆاليۋتا نارىعىنداعى رۋبل باعامىنىڭ كورسەتكىشتەرى شىندىققا اسا جاناسپايدى. وسى ورايدا ۇكىمەت ۆاليۋتا نارىعىن رەتكە كەلتىرۋى ءتيىس. ول ءۇشىن ءبىز نارىقتىق تەتىكتەردى پايدالانىپ، ارەكەت ەتەتىن بولامىز.
وسى رەتتە يمپورتتى تاۋارلاردىڭ قىمباتتاۋىنان شەتەلدەن رەسەيگە قونىس اۋدارعاندار عانا جۇرەكسىنبەيتىن ءتارىزدى. رەسەي ازاماتتىعىن وتكەن جىلى قابىلداعان اتاقتى اكتەر جەرار دەپاردە «بارلىعىنىڭ دا جاقسى بولاتىنىن» ايتادى.
جەرار دەپاردە، اكتەر:
- رەسەيدىڭ كۇشى - رۋبلدە ەمەس، حالىقتىڭ مىقتى رۋحىندا دەگىم كەلەدى. سونىڭ كومەگىمەن ءبىز بارلىق قيىندىقتى جەڭەمىز. ال مۇنداي جاپپاي ساتىپ الۋدى بۇرىن-سوڭدى كورمەگەن ساتۋشىلار حالىققا قۋانا قىزمەت ەتۋدە.
24.kz
