ۆلاديمير پۋتين ءوزىنىڭ جالاقىسى قانشا ەكەنىن بىلمەيدى
جۋرناليستەردىڭ ءبىرى باسپا ءسوز ءماسليحاتى بارىسىندا ۆلاديمير پۋتيننەن «روسنەفت» مەملەكەتتىك مۇناي كومپانياسىنىڭ پرەزيدەنتى يگور سەچيننىڭ جىلدىق جالاقىسى قانشا ەكەنىن سۇراعان بولاتىن.
«سەچيننىڭ جالاقىسى قانشا ەكەنىن بىلمەيمىن. ول تۇگىل، ءوزىمنىڭ جالاقىمدى دا بىلمەيمىن. اقشانى اكەلگەن سوڭ، ونى ەسەپتەمەيمىن دە، ەسەپشوتىما اۋدارامىن. شىنىمدى ايتسام، سەچيننىڭ ەڭبەكاقىسىن بىلمەيمىن»، - دەپ جاۋاپ بەردى رەسەي پرەزيدەنتى.
«بىلەتىنىم، ءىرى كومپانيالاردىڭ قىزمەتكەرلەرى، ارينە، وتە قوماقتى جالاقى الادى. دەگەنمەن، ەلدەگى ورتاشا ەڭبەكاقى مولشەرىن ەسكەرگەنىمەن، ولاردىڭ تابىسىنىڭ دەڭگەيىن بۇل كورسەتكىشپەن سالىستىرماۋىمىز كەرەك. الەمدەگى وسىنداي كورپوراتسيالارداعى ارىپتەستەرىنىڭ جالاقىسىمەن سالىستىرعانىمىز ءجون»، - دەپ تولىقتىردى ۆ. پۋتين.
ايتا كەتەيىك، رەسەي فەدەراتسياسىنىڭ پرەزيدەنتى ۆلاديمير پۋتين ماسكەۋدە ب ا ق وكىلدەرىنە باسپا ءسوز كونفەرەنسياسىن ونىنشى رەت وتكىزدى.
حالىقارالىق ساۋدا ورتالىعىنا 1200 دەن اسا رەسەيلىك جانە حالىقارالىق جۋرناليستەر جينالدى.
پۋتيننىڭ ەڭ ۇزاققا سوزىلعان باسپا ءسوز كونفەرەنسياسى 2008 - جىلى وتكەن بولاتىن، وندا رەسەي پرەزيدەنتىنىڭ جۋرناليستەرمەن كەزدەسۋى 4 ساعات 40 مينۋتقا سوزىلدى. بۇگىنگى باسپا ءسوز ءماسليحاتى شامامەن ءتورت ساعاتقا سوزىلدى.
