استانادا قازاقستانداعى ۇزدىك شەتەل ينۆەستورلارى ماراپاتتالدى

استانا. قازاقپارات - استانادا ق ر ينۆەستيسييا جانە دامۋ ءمينيسترى اسەت يسەكەشەۆ قازاقستانداعى ۇزدىك ينۆەستورلاردى ماراپاتتادى.  ايتا كەتەيىك، «ۇزدىك ينۆەستور» شاراسى ەكىنشى جىل قاتارىنان وتكىزىلۋدە.

بيىل جاپوندىق Shimadzu (و ق و-دا رەنتگەن قۇرىلعىلارىن شىعارۋ زاۋىتى) مەن NYK Line  (الماتىداعى كولىكتىك تەرمينالدىڭ قۇرىلىسى)، نەمىستىڭ Heidelberg Cement  بەتون جانە سەمەنت زاۋىتتارى) پەن Metro Cash&Carry (استانا، الماتى قالالارىندا جانە ش ق و، پاۆلودار، و ق و، قاراعاندى وبلىستارىندا 8 ساۋدا ۇيلەرىنىڭ قۇرىلىسى)، تۇركيانىڭ Galaksi Group   (الماتىدا قۇرىلىس ماتەريالدارىن شىعارۋ وندىرىستەرى)، اۆستراليانىڭ ORICА (قۇرىلىسقا قاجەتتى تاۋارلار)، وڭتۇستىك كورەيانىڭ POSCO (ش ق و-دا تيتان ونىمدەرىن شىعارۋ زاۋىتى) كومپانيالارىنىڭ ينۆەستيسيالىق بەلسەندىلىكتەرى ەلەندى.

ا.يسەكەشەۆ ەلدىڭ ەكونوميكاسىنا ەلەۋلى ۇلەس قوسىپ كەلە جاتقان ينۆەستورلارعا ساتتىلىك پەن جوعارى تابىستار تىلەپ، بولاشاقتا بۇل ارىپتەستىك ودان ءارى داميتىندىعىنا سەنىم ءبىلدىردى.

«ەكىنشى جىل ءوتىپ وتىرعان قازاقستاننىڭ ۇزدىك ينۆەستورلارىن ماراپاتتاۋ شاراسىنا قوش كەلدىڭىزدەر! بۇل ءداستۇرلى شاراعا اينالادى. مەملەكەت باسشىسى شەتەل ينۆەستيسيالارى ەل ەكونوميكاسىنىڭ قارىشتاۋىنا سەرپىن بەرەتىن قۇرالداردىڭ ءبىرى رەتىندە باسىمدىق بەرىپ كەلەدى. بۇل «قازاقستان-2050» باعدارلاماسىندا كەڭىنەن كورىنس تاپقان. سونىمەن قاتار يندۋستريالاندىرۋ باعدارلاماسىندا ءبىرقاتار ءىس-شارالار قابىلداندى»، - دەدى ول.

مينيسترلكتڭ اقپاراتى بويىنشا، 2010 - جىلدان بەرى قازاقستاندا شيكىزاتتىق ەمەس سالاعا 15،9 ميلليارد دوللار تىكەلەي شەتەل ينۆەستيسيالارى تارتىلعان. بۇل مۇنىڭ الدىنداعى بەسجىلدىقتاعى ينۆەستيسيالار كولەمىنەن 2،5 ەسە كوپ.

 

اۆتور: جاسۇلان جولدىبايەۆ