قازاقستاندىق اسكەري قىزمەتشىلەر گيمالايعا اتتاندى
ق ر قورعانىس مينيسترلىگى باسپا ءسوز قىزمەتىنىڭ حابارلاۋىنشا، نەپالداعى بيرەندرا بىتىمگەرلىك دايارلىق جونىندەگى وقۋ ورتالىعىندا قازاقستاندىق اسكەري قىزمەتشىلەر العاش رەت بولىپ وتىرعان جوق. ولاردىڭ بۇل جولعى ساپارى قازاقستان قارۋلى كۇشتەرىنىڭ بىتىمگەرلىك الەۋەتىن نىعايتۋعا باعىتتالعان تاعى ءبىر قادام بولماق.
بيرەندرا ب ۇ ۇ تاراپىنان بىتىمگەرلىك دايارلىق جونىندەگى ۇزدىك ورتالىق دەپ تانىلعان. بۇل جەردە اسكەري قىزمەتشىلەر وقىتۋ باعدارلاماسىن ازىرلەۋ، ب ۇ ۇ شەڭبەرىندەگى بىتىمگەرشىلىك وپەراتسيالاردى ورىستەتۋ ءۇشىن نۇسقاۋشىلار قۇرامى مەن بولىمشەلەردى دايارلاۋ بويىنشا ءوز بىلىمدەرى مەن ماشىقتارىن تولىقتىرادى.
قۇرلىق اسكەرلەرى اسكەري ينستيتۋتى «بەيبىتشىلىك ءۇشىن سەرىكتەستىك» وقۋ ورتالىعىنىڭ ءبولىم باستىعى پولكوۆنيك رۋسلان جاقىپوۆ باستاعان اسكەري قىزمەتشىلەردىڭ ساپارى قازاقستان رەسپۋبليكاسى مەن ا ق ش قارۋلى كۇشتەرى اراسىنداعى 2015-جىلعى ەكىجاقتى اسكەري ىنتىماقتاستىق جوسپارى شەڭبەرىندە ۇيىمداستىرىلىپ وتىر.
